Facebook bën apel të ndryshoni fjalëkalimin

Shërbimet e popullarizuara të internetit gjithmonë kanë qenë cak i sulmeve të cyber mashtruesve, prandaj aspak nuk na çudit paraqitja e kërcënimit më të ri, e cila shfaqet si porosi e-maili e dërguar nga tabori i rrjetit për shoqërim – Facebook.

Nëse gjatë disa ditëve të fundit keni pranuar ndonjë e-mail i cili gjoja vjen nga Facebook, i cili u lajmëron se në bashkëngjitje u vjen fjalëkalimi i ri për qasje në këtë shërbim, dijeni se bëhet fjalë për mashtrim.
Edhe jo vetëm për mashtrim, po për një shtojcë e cila do t’u merr nga kompjuteri juaj të gjithë emrat e përdoruesve dhe fjalëkalimet për cilindo shërbim online.
Porosia kontestuese e emëruar “Facebook Password Reset Confirmation! Customer Support”, e bashkëngjitja ofrohet në formatin zip me titull ”Facebook_password_357”.
Siç tërheqin vërejtjen ekspertët e McAffee, nëse nuk e keni kërkuar më herët, Facebook kurrë nuk do t’ua ndryshojë fjalëkalimin e përdoruesit dhe bën thirrje tek 400 milionë përdorues të mos bien pre e këtij mashtrimi.