Tatuazh edhe në sy

Matt Gone nga Portlandi, i cili tashmë ka mbuluar 98 për qind të trupit me ngjyrë, kohë më parë në mungesë të lëkurës bëri tatuazh në sy.



Gone është i famshëm në Portland me trupin e tij lara lara. Fusha e shahut që mbulon shumicën e lëkurës së tij e bëri atë të famshëm në Oregon, ndërsa tash fama e tij mbërriti edhe në internet.

Kur më nuk i mbeti vend në trup, vendosi t’i mbushë edhe të bardhat e syve me ngjyrë. Ai në secilin sy futi ngjyrë të ndryshme. Ngjyrën e kaltër e injektoi në syrin e majtë, ndërsa përzierjen e të kaltrës dhe të gjelbrës në syrin e djathtë.

Oftamologët thonë se është shumë e rrezikshme të futet ngjyra në sy për shkak të infeksioneve të mundshme të cilat mund të çojnë deri te verbëria ose humbja e syve.

Mjeku Douglas Meier i cili punon në klinikën në Beaverton thotë se njerëzit që bëjnë gjëra të tilla rrezikojnë shumë, ndërsa shteti i Oklahomas ka ndaluar tatuazhet në sy.