Arrestohet hakeri që sabotonte llogarinë e Obamas në Twitter

Arrestohet hakeri që sabotonte llogarinë e Obamas në Twitter

Policia franceze ka arrestuar hakerin i cili po sabotonte llogarinë e presidentit të Shteteve të Bashkuara të Amerikës, Barack Obama, në njërin nga sulmet e tij në rrjetin për shoqërim online Twitter, raportojnë mediet botërore.
I papuni 25-vjeçar, i cili po shfrytëzonte emrin "Hacker Croll", është arrestuar në rajonin Puy-de-Dôme, në Francën qendrore, pas operacionit të përbashkët me agjentët amerikanë nga FBI-ja, i cili kishte zgjatur disa muaj.

Hakeri i njëjtë kishte sulmuar edhe llogaritë e rrjetit Facebook dhe shërbimin e Google për postë elektronike - Gmail.

Policia ka theksuar se hakeri asnjëherë nuk ka tentuar të përfitojë materialisht nga këto aktivitete të tij