Diellza zbulon përvojën e saj në emisionin “E diel”

E diela e kaluar ishte përvoja e saj e parë në moderim. Një ftesë e bërë nga Armend Rexhepagiqi e Aida Baraku drejtuar modeles Diellza Kolgeci bëri këtë të fundit të paraqitet në ekranin e televizionit “Top Channel”.


[You must be registered and logged in to see this image.]

“Ftesa më është bërë nga Armendi e Aida të cilët tashmë dihet që janë pjesë e ‘Top Channel-it’ dhe spektaklit ‘E diel’. Të dielën që shkoi ishte paraqitja ime e parë dhe mund të them se ishte një përvojë e re”, ka thënë Diellza për të përditshmen InfoPress, duke theksuar vlerën dhe rëndësinë e kësaj përvoje për të.

“O.K. është e rëndësishme për përvojë, për diçka që njeriu do të merret për një kohë të shkurtër. Profesioni im është krejt diçka tjetër, por për përvojë është e rëndësishme dhe thjesht të bësh diçka që është interesante. Normalisht kur ke të bësh me njerëz që kanë përvojë televizive e profesionistë është ndjenjë e mirë,” ka shtuar Diellza.

Do të janë gjithsej 20 emisione në të cilat Diellza do të prezantojë ‘palën kosovare’, në rubrikën e titulluar “Shijet e lumtura”, ndërsa përveç mysafirëve që do t’i përzgjedhin çifti Aida dhe Armendi, Diellza ka hapësirën e saj të propozojë emra të ndryshëm.