Facebook ndalon këmbimin e adresave

Facebook së pari e ka miratuar dhe pastaj ka hequr dorë nga ajo që t’ua lejoj aplikimeve të tjera që me lejen e vet përdoruesit, të mbledhin të dhënat e tyre personale, adresat dhe numrat e telefonit.
[You must be registered and logged in to see this image.]

A bëhet fjalë për presion apo vendim me vetiniciativë? Facebook para ca ditësh kishte lëshuar lejen për qasje në adresa dhe numra të telefonit të përdoruesve, por jo edhe për të dhënat e miqve të tyre. Siç kanë precizuar në Facebook, lejet duhet të ndahen me kërkesë të përdoruesve përmes hapësirës për dialog, i dedikuar për lejet standarde.

Mirëpo, një numër i madh i anëtarëve të Facebook-ut, mendojnë se nuk ekziston arsyeja që të gjithë programuesit mund të mbledhin numra të celularëve dhe adresa të përdoruesve të uebit.

Kompania e specializuar për zhvillimin e zgjidhjeve të sigurisë "Sofos", kishte paralajmëruar për rrezikun potencial nga ky këmbim, për shkak të pranisë së numrit të madh të programeve keqdashëse në Facebook.

Se a ishte për shkak të këtyre kritikave apo me vetiniciativë, në Facebook kishin vendosur të tërheqin lejen deri në kryerjen e ndryshimeve të nevojshme, të cilat do t’i ndihmojnë përdoruesit që të kenë qasje të qartë se çfarë informatash këmbejnë