Japonia goditet nga tërmetet dhe tsunami

Një tërmet i fuqishëm goditi gjatë mëngjesit pjesën verilindore të Japonisë dhe krijoi një tsunam i cili ka shkaktuar dëme të mëdha materjale.





Një tërmet i fuqishëm goditi gjatë mëngjesit e sotëm pjesën verilindore të Japonisë dhe krijoi një cunami, i cili ka shkaktuar dëme të mëdha materiale.

Televizionet japoneze raportuar se makina dhe anije kishin përfunduar në mes të qyteteve nën ujë në provincën e Fukujamës, pas tërmetit me magnitudë 8,8 shkallë.

Zyrtarët japonezë lajmërojnë për mundësinë që një valë e lartë gjashtë metra të godasë bregun në orët e ardhshme. Nuk ka ende njoftime për viktima, por dëmet materiale janë të mëdha.

Tërmeti goditi në orën 6:46 me orën evropiane dhe është pasuar nga një seri tërmetesh të tjerë të vegjël. Epiqendra e tij ishte 373 kilometra larg Tokios, por banorët i ndjenë lëkundjet e fuqishme. Tërmeti plasariti ndërtesat dhe rrëzoi makinat nga urat.

Ndërkohë, pjesë të dallgës së cunamit vërshuan si llavë në tokat e mbjella, duke futur në to varka dhe duke vënë përpara shtëpi dhe kamionë.

Në Tokio turma njerëzish u mblodhën nëpër rrugë dhe u përpoqën të lidheshin me të afërmit përmes telefonit. Gjithashtu, tërmeti i shoqëruar nga cunami ka shkaktuar ndërprerjen e energjisë në pothuajse katër milionë shtëpi në Tokio dhe në zonat përreth.