Hajdutët vjedhin sendet e Erjon Bogdanit gjatë stërvitjes

Futbollisti shqiptar Erjon Bogdani ka rënë “viktimë” e një ngjarje të pazakontë në Itali. Bomberi shqiptar ka humbur 2 palë kepucë sportive futbolli dje pas një vjedhje të ndodhur në kompleksin sportiv “Rogoni”.
Të dëmtuar nga kjo ngjarje, janë edhe sportistë të tjerë, pasi hajdutët kanë marrë gjithsej 28 palë këpucë.
Bëhet e ditur se autorët e ngjarjes kanë tentuar të vjedhin edhe një çantë, por sportisti shqiptar ka qenë duke u kthyer tek “dhoma” ku kishte lënë sendet e tij ndaj është pikasur nga hajdutët që ikën menjëherë.
Nga kjo ngjarje, janë dëmtuar edhe dy futbollistët Piangereli dhe Jimenez, të cilëve iu grabitën katër palë këpucë.
Dy palët e këpucëve të Erjon Bogdanit, mësohet se kanë qenë marka origjinale të Adidas.