BlackBerry në 3D

Prodhuesi i BlackBerry, Research In Motion(RIM) thuhet të jetë duke shikuar mundësin e kalimit të celularit të ardhshëm në 3D, duke pasuar kështu rrugën në të cilën tashmë kanë filluar Apple, Sharp dhe HTC të cilat janë duke përgatitur pajisje mobile 3D për tregun e konsumatorëve.


Research In Motion(RIM) supozohet po ashtu se në celularët e ardhshëm BlackBerry do të vendos ekrane tre-dimensionale.

Thashethemet lidhen edhe me blerjen e fundit të kompanisë suedeze, The Astonishing Tribe(TAT), e cila është e specializuar në interfejse 3D.

TAT ka qenë duke punuar në panele 3D për një kohë të gjatë, duke zhvilluar teknologjinë e cila do të jetë e përshtatshme për përdorim në një telefon të mençur.

Pasi që lojërat dhe mediat janë duke u drejtuar gjithnjë e më shumë në teknologjinë 3D, atëherë edhe prodhuesit janë të shtyrë drejt saj, kështu arsyetohet edhe lëvizja e HTC në zhvillimin e celularëve të bazuar në Android 3D dhe Apple’s në zhvillimin e iPod dhe iPhone 3D.