Turqia i kërkon Iranit të ofrojë siguri bërthamore

Turqia i kërkon Iranit të ofrojë siguri që ai nuk do të prodhojë armë bërthamore, dhe thekson se të gjitha shtetet kanë të drejtë përdorimi paqësor të energjisë bërthamore.
Deklaratat e ministrit turk të Punëve të Jashtme, Ahmet Davutollu, vijnë para fillimit të takimit mes Iranit dhe fuqive të mëdha që do të mbahet nesër në Stamboll.

Ai foli gjatë një konference të përbashkët shtypi me Ministrin Rus të Punëve të Jashtme, i cili i kërkoi Iranit të lejojë inspektorët ndërkombëtarë të inspektojnë në vend.

“Sanksionet e njëanshme po minojnë mundësitë e gjetjes së një zgjidhjeje të përbashkët”, theksoi Sergei Lavrov, duke shtuar se “ata janë antiproduktive”.

Grupi 5+1 që do të fillojë nesër bisedimet me përfaqësuesit e Iranit në Stamboll përbëhet nga Kina, Franca, Rusia, SHBA-ja, Britania e Madhe dhe Gjermania.