Televizorë tredimensional për profesionistë

Kompania Panasonic ka paralajmëruar një seri të televizorëve profesional plazma me teknologjinë e shfaqjes tredimensionale – 3D.
Televizorët do të përpunohen në disa dimensione: diagonale ekrani 85 inç, 103 inç dhe 152 inç. Panasonic me rezervë pohon se televizori i tyre 3D me diagonale prej 152 inçësh është më i madhi i llojit të tij në botë, e as ne nuk do ta shpallim të tillë, por jemi të sigurt se është një prej më të mëdhenjve.



Që të gjithë televizorët kanë rezolucion të plotë HD (1.920 x 1.080 piksela), kontrast prej 5.000.000:1 e përpunim të ngjyrave prej 30 bitësh. Prodhuesi veçanërisht lavdërohet për shpejtësinë e jashtëzakonshme të paneleve të reja të cilat kanë mundësuar zbatimin kualitativ të teknologjisë tredimensionale në ekrane kaq të mëdha.



Publiku në shënjestër për këto modele janë profesionistët, që do të thotë se çmimi i këtyre televizorëve do të jetë shumë i lartë dhe se ne ‘të shkretëve’ nuk do të na bien hise. Panasonic do të tentojë që t’ua plasojë këta televizorë prodhuesve të simulatorëve 3D, produksionit filmik dhe për përdorim në panaire si dhe video demonstrime të ndryshme.

Në të njëjtën kohë, Panasonic ka paraqitur edhe linjën e re të televizorëve LCD për përdorim afarist, mirëpo këta televizorë nuk dallohen për performansat jashtëzakonisht të mira, por me mundësinë e përshtatjes. Bëhet fjalë për televizorët e bazuar në IPS me të cilët mund të udhëhiqet në largësi falë konfiguracionit RS-232 apo të instalohen konfiguracione të veçanta nëpërmjet kartelave SD. Publiku në shënjestër i këtyre produkteve janë hotelet dhe lokalet tjera të cilat përdorin një numër të madh të televizorëve të cilët përshtaten për nevojat e tyre.