Lajme sipas dëshirës në Google News

Google sot njoftoi se ka bërë një freskim të madh në Google News, duke u përqendruar në një përvojë më të personalizuar për çdo lexues.
Nëse drejtoheni në Google News sot (të paktën në versionin në gjuhën angleze), ju do të shihni një seksion të ri të quajtur "News for You." Është zemra e strategjisë më të re e krijuar nga Google.
News for You është projektuar për tu ofruar përdoruesve një spektër shumë më të personalizuar të lajmeve. Nëse ju vazhdimisht dëshironi të injoroni lajmet sportive, e në anën tjetër me çdo kusht dëshironi të lexoni për politikë, ose lajmin e fundit në lidhje me kandidatin e ri të Gjykatës Supreme, ju zakonisht duhet të bëni shumë kërkime në internet, për tu informuar saktësisht për diçka aq specifike.

Por, News for You tani parashtron disa pyetje të thjeshta për të kuptuar se cilat janë interesat e një përdoruesi, dhe pastaj do të mund të personalizojë një lum me lajme në përputhje me rrethanat.

Përveç tjerash, ju mund të zgjidhni edhe burimet e preferuara të lajmeve që paraqiten në Google News, dhe të njëjtat më pas do të rangohen më lartë, për të ofruar një përvojë të re, shumë më të lehtë gjatë leximit.