“Dancing with the stars Albania 2″, ja disa emra të konkuren

Spektakli “Dancing with the stars” ka filluar sërish përgatitjet e tij. Pas suksesit që pati sezoni i parë, tashmë Vera Grabocka dhe stafi i saj kanë nisur të përgatisin një tjetër sezon surprizash. Spektakli është në fazat e para të përgatitjeve dhe do të nisë transmetimin e tij në muajin janar të 2011-ës.

Ne kemi arritur të gjejmë disa nga emrat, të cilët janë pretendentë. Kuptohet që lista e emrave është tepër e gjatë, por në fund ata që do të mbeten do të jenë vetëm 6. Pra, gjashtë konkurrentë meshkuj dhe gjashtë konkurrente femra. Vetëm se mësuam se në Shqipëri është bërë keq të gjesh meshkuj.

Pavarësisht se të gjithë e dimë që në Shqipëri raporti i femrave me meshkujt është 3 me 1, organizatorët nuk po gjejnë dot konkurrentë meshkuj. Në fakt, vetë spektakli, eksperienca e marrë në të, argëtimi, por ç’është më kryesorja pagesat janë shumë joshëse.

Të marrësh 2 mijë euro në muaj, nuk janë pak. Plus kësaj bën edhe “palestrën” falas. Përgatitjen për spektaklin kanë nisur menjëherë pas kthimit nga pushimet të Vera Grabockës. E tani që ka ardhur e rimbushur me energji, sigurisht që do të bëjë diçka të mirë. Pse jo dhe më i mirë se i pari. Lista e kandidatëve dhe kandidateve ka qenë e gjatë, por po sjell vetëm disa prej tyre.


Kuptohet që jo të gjithë këta mund t’i shohim konkurrentë. Një ndër emrat e parë të lakuar është këngëtarja Aurela Gaçe. Këtë emër e pason një tjetër emër këngëtareje, Dafina Zeqiri. Por ka dhe një tjetër, Manjola Nallbani. Kuptohet që lista nuk ka vetëm këngëtare, ka dhe artiste dhe një ndër to është Yllka Mujo. Për sa i përket botës së televizionit, një ndër emrat e përmendur është dhe Ilva Tare.

Meshkujt?

Emrat që kemi mundur të zbulojmë janë këngëtarët: Stine, Kastro Ziso, Adrian Gaxha dhe Shpat Kasapi. Lista e meshkujve është hapur edhe në politikë e sport, bëhet fjalë për ministrin e Mbrojtjes, Arben Imami dhe peshëngritësi Erkand Qerimaj. Këta janë emrat që ne mundem të zbulonim. Por, nuk është një listë përfundimtare, është veçse listë paraprake…/sh2/foto: "Dancing With The Stars Albania 1" nata finale.