Interi “e moshuara” e Evropës, Barça më e shkurta

Observatori i futbollistëve të FIFA-s jep bën një studim interesant me të dhënat e lojtarëve të skuadrave të ndryshme.
Kjo është e treta herë që FIFA bën këtë studim “demografik”, i cili analizon të dhënat e 13108 futbollistëve të federuar në 534 skuadra nga 36 kampionate të ndryshme evropiane.

Sipas raportit, lojtarët po luajnë në moshë më të madhe se më parë, janë më të gjatë dhe lëvizin më tepër nga skuadra në skuadër. 45,7 për qind e tyre kanë luajtur më parë në ekip tjetër gjatë karrierës dhe vetëm 23,4 për qind kanë mbetur në klubin ku janë rritur.

Interi, kampion i trefishtë i sezonit të kaluar, mban një nga rekordet më negative: është skuadra me moshën mesatare më të lartë me 29,6 vjeç. Vlen të theksohet se zikaltrit kalojnë në këtë renditje “kushërinjtë” e Milanit, që mbanin rekordin në sezonin e shkuar.

Barcelona ka mesataren më të ulët të gjatësisë në Evropë, ndërkohë që më të “gjatat” janë Matersburgu (Austri) dhe Volyn Lutsk (Ukrainë) me 1,86 metra. Mançester Junajtid ka qëndrueshmërinë më të madhe të lojtarëve: mesatarisht një futbollist qëndron në “Old Traford” 5,71 vjet, ndërkohë që Totenhemi ka numrin më të madh të futbollistëve anglezë: 23.

Ajaksi ka prodhuar numrin më të madh të lojtarëve (54) që kanë arritur të luajnë në kampionatet më të mëdhenj. Të tjera të dhëna interesante: një skuadër evropiane ka mesatarisht 24,5 futbollistë, 5,2 prej të cilëve nën 21 vjeç; 8,1 kanë gjatësi mesatare të paktën 1,85 metra dhe vetëm 5,7 për qind qëndrojnë në të njëjtin klub nga skuadrat e rë rinjve. Të paktën 8,2 lojtarë për skuadër vijnë nga përtej oqeanit, 1,1 për qind e të cilëve nga Brazili.