Ballack “spiunon” anglezët te Gjermania, jep këshilla për Lë

Ballack “spiunon” anglezët te Gjermania, jep këshilla për Lëvizjet

Trajneri i Gjermanisë Joakim Lëv duket se ka gjetur një këshilltar të mirë para ndeshjes me Anglinë.


Dhe ky këshilltar është pikërisht Michael Ballack, futbollisti që i mungoi Gjermanisë në këtë botëror për shkak të një dëmtimi.
Bëhet e ditur nga media sportive ndërkombëtare se Ballack i cili ka luajtur për Çelsin, i ka dhënë instruksione trajnerit të Gjermanisë sesi duhet të përshtasë formacionin e skuadrës për ti bërë ballë sitën e sotme skuadrës së Anglisë.
Ndërkohë javët e fundit në mediat gjermane vazhdimisht spekulohet për të ardhmen e kapitenit të kombëtares, Mihael Ballack. Çelsi ka refuzuar t’ia zgjasë atij kontratën, prandaj mesfushori gjerman tashmë është në kërkim të një klubi të ri.
Nga skuadrat e Bundesligës interesimin më të madh për shërbimet e tij e kanë treguar Volfsburgu dhe Bajerni i Leverkusenit. Pikërisht ish-klubi i tij (Bajeri) është i gatshëm që të ofrojë kushte të shkëlqyera për Ballakun. Siç raporton e përditshmja “Bild”, drejtori sportiv i Bajerit, Rudi Feller ka udhëtuar në Sardinje, ku Ballank së bashku me familjen dhe trajnerin e tij kondicional është duke i kaluar pushimet dhe duke u shëruar nga lëndimi i nyjës së poshtme në këmbën e djathtë. Feller ka udhëtuar me qëllim që të arrijë marrëveshje, kurse për dy vjet kontratë ai do t’i ofrojë 12 milionë euro, shifër kjo dukshëm më e madhe se sa ajo që ka ofruar Volfsburgu (3,6 milionë euro në vit). Sipas “Bild”-it, Ballack vendimin se ku do ta vazhdojë karrierën do ta marrë brenda 10 ditësh.