Regjistruesi i ëndrrave

Për shekuj me radhë njerëzimi është përpjekur të japë një shpjegim për ëndrrat, shpjegime këto që zanafillat e para i gjejmë që në Egjiptin e Lashtë, ku ëndrrat cilësoheshin si mesazhe nga Zoti.


Por regjistrimi i ëndrrave mund të bëhet realitet. Të paktën këtë pretendojnë një grup studiuesish amerikanë të cilët kanë publikuar hulumtimin e tyre në revistën “Nature”.
Shkencëtarët shprehen se kanë arritur të ndërtojnë një sistem elektronik të aftë për të perceptuar dhe për të regjistruar të ashtuquajturin “aktivitet i lartë i trurit”.
Studimi i udhëhequr nga Dr. Moran Cerf konsistoi me njohjen e disa personave që ishin ofruar vullnetarë, me një sërë imazhesh, objektesh dhe konceptesh. Pacientëve iu treguan disa imazhe dhe objekte me radhë dhe më pas u lokalizuan qelizat përgjegjëse të trurit të cilat reagonin pas çdo imazhi, objekti apo koncepti.
Dr. Cerf shprehet se me krijimin e një game të gjërë konceptesh, imazhesh apo objektesh dhe me lokalizimin e qelizave përkatëse të tyre mund të monitorohet aktiviteti i trurit gjatë kohës që jemi në gjumë.
“Në dëshirojmë që të lexojmë ëndrrat e njerëzve”, deklaron udhëheqësi i kërkimit shkencor, Dr. Moran Cerf.
Qëllimi sipas doktor Cerf nuk është interpretimi i ëndrrave, por zbulimi se “Si” dhe “Pse” njerëzit shikojnë ëndrra.