Të burgosurit përdorin Facebookun

Justin Valker shërben aktualisht një dënim me burg. Ai ësht dënuar me 30 vjet burg, për vrasjen e një sherifi në Oklahoma. Dhe për të kaluar më shpejtë kohën, ai fotografohet në qelinë e tij, reklamon trupin dhe tatuazhet e tij dhe miqtë te tij të burgosur, dhe publikon ato në fotografi.



Nën profilin me emër Jus N Walk mund të gjeni fotot, statuset, dhe komente e tij. Pavarësisht se ai kishte vetëm njëqind miq, gazetarët kanë gjetur profilin e tij. Lajmi u publikua në kanalin Fox, kështu që ai u zhvendos në burg të sigurisë më të lartë dhe iu konfiskua telefoni celular me të cilin ai kyçej në internet.

Por përkundër kësaj, së fundmi në profilin e tij ai ka pranuar 20 miq të rinj, edhe pse nuk posedon më një telefon celular. Dyshohet se miqtë e tij gjithashtu posedojnë celulare, dhe ata kanë passwordin e llogarisë së tij.