Rapidshare mohon aksionin kundër piratëve

Pasi që në shumë website u publikua lajmi se servisi i popullarizuar Rapidshare ka filluar një aksion për shkyçjen e downloaderëve ilegalë, reagoi edhe vetë kompania duke thënë se lajmi i publikuar është i pasaktë, dhe këto pohime janë marrë nga mailat e rrejshëm të cilët kurrë nuk janë dërguar nga Rapidshare.
Për shkak të të drejtave të shfrytëzimit të këtij servisi, të cilat janë të rezervuara, Rapidshare nuk ka të drejtë të kontrollojë përmbajtjen e cila publikohet apo downloadohet. Kjo kompani bën atë që ka bërë edhe deri më tani, thuhet tutje në komunikatën për shtyp, ndërsa ekipi i saj për abuzim eliminon përmbajtjet të cilat kanë ankesa nga pronarët e licencave, dhe në disa situata edhe shuan llogarinë Premium nëse konfirmohet që ka uploaduar vazhdimisht përmbajtje ilegale apo përmbajtje me copyright të dedikuara për distribuim të mëtejmë.