Tifozi që ndërpreu lojën Gjermani-Spanjë, italian, protestoi

Code:

Tifozi që ndërpreu lojën Gjermani-Spanjë, italian, protestoi për Cassanon

Të gjithë ata që kanë ndjekur dy ditë më parë ndeshjen Spanjë-Gjermani panë se takimi i ndërpre në minutën e 4-t pasi një person i pa autorizuar hyri në fushën e lojës pasi kishte
çarë rrethin e rojave të sigurisë.
Ndeshja gjysmëfinale Gjermani-Spanjë u ndërpre për pak momente, kur në minutën ‘4 të lojës, një tifoz italian me vuvuzelë në dorë arriti të depërtojë rojet e sigurisë dhe të futet në fushën e gjelbër.
Sipas agjencisë italiane të lajmeve, ANSA, tifozi quhet Mario Ferri dhe mbante veshur një bluzë blu, ku ishte stampuar një slogan.
Italiani protestoi për mungesën futbollistit Antonio Cassano në kombëtaren italiane që luajti në Kupën e Botës.
Tifozi italian Mario Ferri gjeti hapësirë pranë portës së gjermanit Manuel Neuer dhe nisi vrapin deri në mesfushë, ku u ndalua nga rojet e sigurisë.