Pseudonimet e mafiozeve gangstere

Gangsterët shpesh njihen më së shumti me nofkat e tyre sesa me emrin e vërtetë. Në pjesën më të madhe të rasteve nofka vjen nga bëmat e tyre e në shumë raste nofka, edhe pse i identifikon, nuk përmendet asnjëherë në praninë e tyre. Disa prej gangsterëve në listë kanë arritur deri aty sa të kryejnë vrasje për shkak se i kanë thirrur me nofkë.

Charles Floyd – Bukuroshi

Është fakt i njohur që Charles Arthur Floyd e urrente nofkën e tij, por nuk ka një burim të saktë se si i ngeci nofka “Djali bukurosh”. Sipas një historie ai e mori nofkën nga një përshkrim që i bënë gjatë grabitjes së tij të madhe si “një djalë bukurosh”.

Ai e urrente aq shumë këtë nofkë saqë ka vrarë gangsterë të tjerë sepse i janë drejtuar ashtu. Në fakt, pasi e qëlluan për vdekje fjalët e tij të fundit ishin, “Unë jam Charles Arthur Floyd”.Charlie Luciano – FatlumiCharlie Luciano mori nofkën Fatlumi kur u kthye pas “një xhiroje” që kishte si synim t’i merrte jetën. Ai mori një thikë nga takimi i tij që i shkaktoi një problem të përhershëm tek njëri sy. Ka shumë histori për këtë ngjarje, por thuhet se ai u torturua nga familja e një oficeri, të cilit i kishte ngacmuar vajzën. Ai e përdori historinë për të rritur legjendën e tij në botën e krimit, duke thënë shpeshherë se ai ishte i vetmi anëtar i mafies i kthyer gjallë pas “shëtitjes”.

Sam Hunt – Çanta e golfit

Nofka “çanta e golfit” nuk projekton frikë apo tmerr, deri sa të mësohet arsyeja pse ky mafioz mori këtë nofkë. Sam Hunt punonte për Al Capone-n si vrasës me pagesë dhe i mbante armët e tij në çantën e golfit, në mënyrë që t’i fshihte. Ata qe e shihnin Sam-in duke shkuar në drejtimin e tyre me një çantë golfi e merrnin me mend se bëhej fjalë për gjuajtjen e radhësh dhe duhet t’i trembeshin fatit të tyre.


Israel Alderman – Kaçavida

Nuk do shumë mend për të kuptuar pse Israel Alderman kishte nofkën Kaçavida. Siç mund të kuptohet metodat e vrasjes së Alderman përfshinin kaçavidën. Gangsteri i vriste viktimat e tij duke u ngulur kaçavidën në vesh e deri në tru. Ai përdorte këtë “teknikë” të shpejtë sepse dëshmitarët shihnin vetëm viktimin që rrëzohej pa pritur si një i dehur, teksa njerëzit kalonin në rrugë.


Vincent Coll – Qeni i tërbuar

Vincent Coll mori nofkën qeni i tërbuar për mungesën e respektit që kishte ndaj jetës, qoftë edhe për atë të fëmijëve. Më 28 korrik 1931 Coll u përpoq të grabiste Joey Rao, por gjatë shkëmbimit të zjarrit një fëmijë pesë vjeç mbeti i vrarë dhe shumë të tjerë u plagosën. Pas kësaj, kryebashkiaku i Nju-Jorkut, Jimmy Walker e quajtur “Qeni i çmendur” dhe gjithë qyteti nisi kërkimin për të.


Thomas Moran – Xhepisti

Xhepisti legjendar Thomas Moran ishte një hajdut profesionist që mund të vidhte çfarëdo nga xhepi i kujtdo. Thomas e nisi “profesionin” e tij në vitin 1906 në San Francisco dhe vjedhja e tij e fundit ishte në vitin 1970, kur ai ishte 78 vjeç. Thuhet se ai ka vjedhur 50 mijë xhepa në gjithë jetën e tij. Ashtu si Bukuroshi edhe xhepisti nuk e duronte dot nofkën e tij dhe e urrente atë.


Lester Nelson – Fytyrë bebja

Armiku publik numër një në vitet ’30, Lester Joseph Gillis i njohur si fytyrë bebja për shkak të paraqitjes së tij gjithmonë të re nuk e pëlqente shumë nofkën e tij ndaj në një pikë të caktuar u vetëquajt “I madhi George Nelson”. Ndërkohë që disa gangsterë vrisnin për t’u mbrojtur ose për çështje pazaresh, fytyrë bebja vriste se i pëlqente ta bënte këtë edhe pse fytyra e tij prej ëngjëlli të gënjente.


George Kelly – Mitralozi

George Kelly është gangsteri famëkeq që mori nofkën “Mitralozi” nga bashkëshortja e tij Kathryn, e cila e detyronte të praktikohej me mitralozin. Ajo u bë forca e tij e marrëdhënieve publike dhe ndërtoi reputacionin e tij mes kriminelëve të tjerë.


Në fakt, ai nuk u akuzua dhe as nuk u dënua ndonjëherë për vrasje e mbi të gjitha nuk e përdori ndonjë mitralozin për të vrarë dikë. Emri i tij është më shumë imazhi që gruaja e tij u përpoq t’i jepte.

Benjamin Siegel – Bugsy

Benjamin Siegel është gangsteri amerikan, i cili ishte ai që themeloi zhvillimin e Las Vegasit dhe nuk e preferonte shumë nofkën e tij. Thuhet se nofka e acaronte dhe e çonte deri në vrasje.


Askush nuk guxonte t’ia përmendte atë në fytyrë. Nofkën e mori nga “bug” që përdoret për i çmendur në formë zhargoni. Kjo përshkruante sjelljen e tij të pakontrollueshme dhe shpërthimet e çmendura sa herë gjërat nuk shkonin si duhet.

Al Capone – Njeriu me shenjë

Al Capone ishte punësuar si roje nga Frankie Yale dhe imori në fytyrë shenjat që i dhanë nofkën “Njeriu me shenjë”, kur ai ofendoi një grua teksa punonte në një lokal nate në Bruklin. Kjo provokoi një sherr të madh me vëllain e gruas, Frank Gallucio.


Fytyra e Capone-s u përplas përtokë tre herë, duke i lënë shenjat që s’i ikën kurrë. Kur fotografohej Capone e fshihte anën e majtë të fytyrës dhe përpiqej të gënjente se shenjat i kishte marrë gjatë shërbimit në forcat e armatosura.