Lorik Cana ikën nga Anglia, tani te Gallatasaraj për 4.5 mln

Futbollisti i kombëtares Shqiptare, Lorik Cana transferohet tek skuadra turke Gallatasaraj duke lënë pas kontratën si kapiten i ekipit anglez Sunderland.
Kontrata e nënshkruar për të luajtur në Turqi nga Lorik Cana mësohet se ka një afat 4-vjeçar.
Shqiptari nga Kosova i cili luan prej vitesh me kombëtaren e Shqipërisë, pak kohë më parë u largua nga skuadra franceze e Marsejës dhe mori detyrën e kapitenit të Sunderland ku pati vlerësime nga administratori i skuadrës.
Lorik cana është bashkuar tashmë me skuadrën e Gallatasaraj në Stamboll me një kontratë që besohet se kap vlerën e 4.5 milionë eurove në sezon.
Ekipi turk ku do të luajë Cana, drejtohet nga holandezi, Frenk Rajkard.