Adoleshenti kinez ka gjithsej 31 gishta

Një 15-vjeçar nga provinca kineze Lianing pritet t’i nënshtrohet një operacioni, pasi posedon gjithsej 31 gishta nga 20 që kanë njerëzit normal. Numri i tepërt i gishtave të 15-vjeçarit vjen si pasojë e deformimeve gjenetike.

Mjekët e kanë ndjekur nga afër që atë prej moshës 5 vjeçare, kur tentoi t’i nënshtrohej një operacioni.

Disa nga gishtat e dorës janë të ngjitur me njëri-tjetrin, ndërsa ata të këmbës janë të gjithë të ndarë.

Gjithashtu, mediat kineze bëjnë të ditur se është tentuar disa herë që fëmijës t’i hiqen ose t’i bashkohen gishtat, në mënyrë që numri i tyre të shkojë në 20.

Sipas rekordit të deritanishëm Gines, personi më me shumë gishta ka gjithsej 25. Ndërkohë, adoleshenti kinez regjistrohet si rekordmeni më i ri me 31 gishtat e tij.