Çfarë presin nga 2011, VIP-at shqiptarë…

Njëra më e bukur se tjetra… Klipe dhe këngëtejet të suksesshme… Kompeticione të rëndësishme, zënka të bujshme… Kjo është me pak fjalë gjithçka ka ndodhur gjatë 2010 për vajzat e dashura të ekranit. Po çfarë presin ato nga 2011? Cilat dëshirat e tyre? Jeni kurioz t’i zbuloni? Udhëtojmë bashkë në ëndrrat e këngëtareve seksi…

Genta Ismajli: 2011 më gjeti singëll
Mbrëmjen e vitit të ri e ka kaluar me kolegët dhe fansat e saj në Kërçovë të Maqedonisë, në një natë tejet speciale. E ndërsa i kërkojmë të na bëjë një bilanc të asaj çka arritir në 2010, Genta në përgjigjet: “Ka qenë një vit me shumë angazhime, arritje, por edhe zhgënjime, për të cilat nuk është se ndihem keq. Thjesht do të dëshiroja që rezultati i tyre, të ishte i drejtë, dhe jo i shitur”. Por, pavarësisht kësaj, Genta beson se 2011 do të jetë një vit i mirë, në të gjitha aspektet. Madje ajo dëshiron ta quajë 2011 si vitin e saj. “2011 është viti i Gentës. Shpresoj dhe besoj që do të punohet me më shumë rregullsi, por për më shumë do ia lëmë kohës”. Aktualisht është duke punuar për këngë të reja, si dhe është duke përfunduar studimet e saj të larta dhe albumin. Sa i përket 2011, Genta thotë se edhe ky vit e ka gjetur singëll megjithatë ajo shpreson që gjatë këtij viti ta gjejë mashkullin e saj.”Nuk mërzitem. Im a single lady, krenare e pavarur”, përfundon ajo.

Rozana Radi: Në 2011 pres të fitoj gjyqin
Ky vit ka qenë i mbushur me shumë angazhime për të. Duke filluar nga shfaqjet teatrale, pjesëmarrja në “Vip Shpija”, “Maratona e këngës popullore”, “Kënga Magjike”, ture në Shqipëri, Amerikë, e kudo ku ka shqiptarë. Megjithatë veç kësaj ka pasur edhe ngjarje jo fort të këndshme, por që megjithatë kanë lënë gjurmë gjatë këtij viti për të. Teksa e pyesim lidhur me atë që pret t’i realizohet gjatë 2011, Rozana përgjigjet: “Pres të më ndodhin shumë surpriza. Kam shumë të reja për publikun dhe jam shumë e lumtur për projektet që kam në plan”. E veç surprizave në aspektin profesional Rozi pret që të dalë faqebardhë edhe në gjyqin me Rezarta Shkurtën, për të cilin kur e pyesim shprehet: “Normale që pres ta fitoj”.

Big Mama: Në 2011 dua zgjedhje të parakohshme në Maqedoni
Po si ka qenë ky vit për Big Mamën? A i ka realizuar ajo objektivat që i kishte vënë vetes dhe çfarë pret të realizojë në 2011? “Ndoshta 2010 do të jetë nismëtare për një risi në karrierën time. Në maj të vitit 2010 kam hyrë në bisedime me shumë produksione në Turqi dhe isha shumë mirë e pranuar prej të gjithëve, kështu që pas saj lidha kontrata me produksionin “Edo music” prandaj mund ta quaj vitin 2010 të suksesshëm. Prej vitit 2011 pres së pari shëndet, dashuri, sukses shumë të madh në karrierën time në Turqi dhe dëshira ime më e madhe është që të ketë zgjedhje të parakohëshme në Maqedoni”, përfundon Bigu, e pakënaqur nga qeverisja aktuale ne vendin e saj.

Leonora Jakupi: Pres befasi të mira
“2010-ta ishte vit i mbarë, në planin profesional ndihem e realizuar, kisha këngë të reja, klipe, çmime festivalesh, e shumë koncerte dhe turne anekend ku ka shqiptarë… Familja ime është mirë, kjo është më e rëndësishmja për mua, e ndërsa mbesa ime Morea, ka sjellë shumë gëzim dhe hare në familjen tonë vitin që lamë pas. Ajo filloi hapat e pare të ecjes dhe po ashtu shqiptimin e fjalëve të para…”, shprehet e gëzuar bukuroshja Leonorë. “Në aspektin personal asnjë të re”, vijon ajo duke nënkuptuar se ende nuk ka hyrë asnjë mashkull në jetën e saj. Ndërsa sa i përket 2011, këngëtarja e suksesshme Jakupi shprehet: “Këtë fillim vit të 2011-s po pergatitem për realizimin e klipit të ri të këngës që sapo kam përfunduar. Do të jetë një baladë e bukur dhe shpresoj t’i kënaq shijet e adhuruesve të këngës sime. Pastaj shpresoj për albumin e kështu me radhë… Jeta ka befasitë e veta, më mirë që gjërat të vijnë pa planifikime të tepruara… Kam shumë dëshira për këtë vit, pres befasi të mira…”

Çiljeta Xhilaga: Dua binjakë
Për Çilin tonë, 2010 ka rezultuar një vit i hatashëm. Angazhimi i saj në strukturat e brendshme të PD-së ka qenë një arritje shumë e madhe për këngëtaren. Veç saj, shumë këngë, koncerte dhe një dashuri e madhe e gjetur gjatë këtij viti. Nga 2011 thotë Çili: “Pres të bëj binjakë”, duke na dhënë në këtë mënyrë një lajm shumë të bukur neve.
Ingrit Gjoni: Jam e mbushur me surpriza
Për të ka qenë një vit suksesi. Shumë projekte, e plane të realizuara… Këngë të kthyera në hite… Po çfarë pret Ingriti nga 2011: “Asgjë më pak e asgjë më shumë se sa shumë surpriza. Kam shumë plane bombastike për t’i prezantuar gjatë këtij viti. E vetmja gjë që duhet të bëni, është të prisni”, shprehet ajo për “Bluetooth”.

Zaimina: Bashkëpunimi im i nxehtë
Kurse për miss-in tonë, Zaiminë, 2010 ka ecur vaj. “Për mua 2010 ka qenë një vit i mbushur me angazhime profesionale. Besoj se kam arritur shumë nga objektivat e mia në fushën e muzikës, duke pasur parasysh suksesin e klipeve gjatë këtij viti si dhe kompeticionet ku kam qenë e pranishme si në Kosovë ashtu edhe në Shqipëri. Për 2011 jam duke punuar që në ditët e para dhe shumë shpejt do të prezantohem me një video të re dhe në projektet e mia është edhe një bashkëpunim, por mbetet surprizë”, përfundon Zaimina, duke lindur kështu dyshime tek shqiptarët mbi bashkëpunëtorin e saj.

Tuna: Dua të realizoj recitalin tim
Për këngëtaren simpatike nga Maqedonia, 2011 ka qenë një vit i suksesshëm në aspektin profesional dhe privat. Ajo këtë vit lidhi kurorë me djaloshin simpatik, Rilind Reka si dhe realizoi këngë shumë të mira. “Ok, vitin 2010 e cilësoj profesionalisht si një vit të suksesshëm. Ka projekte të cilat nuk arrita t’i realizoj në 2010 dhe shpresoj që 2011 do të jetë viti im. Dëshiroj të realizoj një koncert solistik. Kaq nuk dua të zbuloj planet.