Venezuelë-Kolumbi, një telenovelë shkakton incident diplomat

Një telenovelë kolumbiane ka shkaktuar një incident diplomatik mes Kolumbisë dhe Venezuelës.
Zyrtarët e lartë të Venezuelës kanë kërkuar nga homologët e tyre ndalimin e shfaqjes së telenovelës në të cilën një qen quhet “Hugo i vogël” duke paralelizuar me emrin e Presidentit të Venezuelës Hugo Chavez.
Telenovela që titullohet “Chepe Fortuna” ka si personazh një sekretare që quhet Venezuela e cila vazhdimisht karakterizohet si e lidhur me aktivitete kriminale dhe shfaqje vulgare.
Ajo në telenovelë ka edhe një motër të quajtur Kolumbia. “Çfarë mungese respekti për Venezuelën”, u shpreh Chavez duke komentuar telenovelën. Ai i mëshoi faktit se telenovela ul imazhin e vendit. Stacioni privat “Televen” nuk e transmetoi serinë e rradhës që ishte programuar për të premtën pas shumë kërkesave dhe presioneve që pati.
Një një prej serive të transmetuara Venezuela qan në telefon duke folur me një personazh dhe i thotë “çfarë do të ishte Venezuela pa Hugon e vogël?”.
Burri i përgjigjet “Venezuela do të ishte e lirë”. Marrëdhëniet mes dy vendeve tanimë konsiderohen të ngrira.