Telefonata e sms çdo ditë,fiton zemrën e vajzës pas 4 muajsh

Daryl Tricker fitoi zemrën e të fejuarës së tij duke e telefonuar çdo ditë për katër muaj, pasi mendoi se ajo e la, duke mos qenë në dijeni se ajo ishte në koma.




Lauren Para nuk u shkoi në takimin e tyre të parë, pasi pësoi një aksident të rëndë nga përplasja e një makine një natë më parë.

Daryl kishte frikë se ajo e kishte qëllim për ta lënë, por kishte gëlltitur krenarinë e tij, duke i lënë mesazhe të përditshme dhe tekste për ti kërkuar asaj që të mos e lërë atë të pasigurt, por t’ia shpjegojë si është situata.

Por askush nuk e ka kontrolluar celularin e Lauren sepse ajo e kishte të mbyllur dhe ajo ishte personi i vetëm që e dinte PININ.

Kur më në fund 17-vjeçarja doli nga koma, i dha mamasë së saj kodin dhe sa u hap telefoni, Daryl i ra sërish dhe iu përgjigj mamaja e vajzës.
Punëtori i IT, 24 vjeç, tha dje: "Unë jam shumë i kënaqur. Telefonata finale që u përgjigj nëna e saj, ishte telefonata më e mirë që unë kam bërë ndonjëherë.."
Nëna e Lauren, Jane, 47 vjeç, shpjegoi se çfarë kishte ndodhur dhe kur vajza e saj në fund u lejua të shkojë në shtëpi, ajo ftoi Daryl për ditëlindjen e saj të 18.
Në party ai i kërkoi përsëri që të dilnin bashkë dhe ata më në fund dolën në takimin e tyre të parë - dhe kanë qenë së bashku qysh atëherë.
Çifti tani jetojnë së bashku në Hordean, dhe janë të vendosur të martohen vitin e ardhshëm, pasi Daryli kishte propozuar në ditën e Krishtlindjeve.
Lauren tha dje: "Unë jam shumë e kënaqur që ai kurrë nuk u dorëzua për shkak se ai ka ndryshuar jetën time."
Çifti në fillim u njoh në Facebook, pastaj biseduam në internet dhe me telefon, para se të vendosnin për takimin e tyre të parë.