Kërkoni shpirtin binjak? Eshtë ceshtje matematikore

Ende s’e ke gjetur njeriun e duhur për të të qëndruar në krah? Një matematikane australiane thotë se beqarët kanë më shumë probabilitet, nëse takojnë dhe pastaj ndahen me 12 partnerë, duke u kthyer më pas të kërkojnë dashurinë.
Clio Cresswell, studiuese e Universitetit të Sydney, ka treguar strategjinë e saj, që ka ardhur si një analize komplekse matematikore. Ajo ka deklaruar se një metodë e tillë u garanton atyre që janë në kërkim të dashurisë 75% shanse për të gjetur partnerin e duhur: "Vazhdojmë të përsërisim se kemi gjetur njeriun e duhur, por pastaj rezultatet janë të tmerrshëm, gjë që e tregon kuota e lartë e divorceve në disa vende.

Por edhe në ditët tona, në një moment kur shumë persona takohen cdo ditë, 12 mbetet një numër i vlefshëm”. Duke u mbështetur te teoria studimore e australiane, beqarët duhet të kenë të paktën 12 lidhje romantike, që jo domosmërisht duhet t’i udhëheqin drejt një marrëdhënie të tipit fizik. Vetëm në këtë mënyrë do të shtojnë shanset për të gjetur partnerin e duhur. “Nuk është një cështje e të drejtës, apo të gabuares. Bëhet fjalë për një model matematik – ka shpjeguar Cresswell -. Partneri perfekt nuk shfaqet papritmas. Duhet punë”.