Huliganët serbë: Do ta djegim Splitin!

Çmenduria e huliganëve serbë nuk ka të ndalur. Shoqata e huliganëve serbë ka njoftuar se të ndihmuar nga huliganët rusë do të djegin Splitin. Kështu njofton Tv Nova e Zagrebit e cila sqaron se përveç që i kanë sulmuar tifozët e Hajdukut në San Petersburg, huliganët rusë do të vijnë në Split në ndeshjen e kthimit të Hajdukut kundër Zenitit dhe do të ndihmohen edhe nga huliganët serbë për t’i vënë flakën qytetit.

“Vëllezërit tanë sllavë-ortodoks para se të shkojnë në Kroaci, do të kthejnë në Beograd dhe nga këtu do të shkojmë së bashku në Split. Mund t’ju them se do të ishte e mjaftueshme që ti vëndonin zjarrin gjithë qytetit”, ka deklaruar për “Kurir” pjesëtari i grupit huligan nga Serbia.

Mirëpo edhe Torcidat nuk do të rrinë duarkryq. Veç një javë janë duke u organizuar që tua kthejnë huliganëve rusë atë që u ndodhi në “San Petersburg”. “Vetëm le të vinë sa më shumë. Mund edhe Rusia edhe Serbia të vinë në Split, por asnjëri nuk do të dalë i gjallë nga qyteti”, ka deklaruar njëri nga pjesëtarët e tifozëve të Hajdukut Torcida në njërën nga shumë webportalet e tyre në internet.

Ndeshja kthyese mes Hajdukut dhe Zeniti zhvillohet te enjten prej orës 19:00, në Split