Jehona e Lidhjes së Prizrenit në Egjypt

ehona e Lidhjes së Prizrenit në Egjypt

Në Egjipt po fshihet një lëndë me interes për historinë shqiptare, një pjesë e së cilës është botuar në librin “Lidhja Shqiptare e Prizrenit në Shtypin Egjiptian (1878–1881)”


Në ambientet e Bibliotekës Kombëtare dhe Universitare të Kosovës u promovua libri ‘Lidhja Shqiptare e Prizrenit në Shtypin Egjiptian (1878–1881)’, i autorit Qemajl Morina, ligjërues i gjuhës arabe dhe dekan i Fakultetit të Studimeve Islame në Prishtinë. Në ditëlindjen e 128 të Lidhjes së Prizrenit, Qemajl Morina promovon librin ‘Lidhja Shqiptare e Prizrenit në shtypin egjiptian (1878 – 1881)’. Promovimi u mbajt në frymën fetare islame. Në emër të kryesisë së Bashkësisë Islame të Kosovës, të pranishmit i përshëndeti myftiu Naim Tërrnava, ndërkaq që rreth vlerave të librit të Morinës u shpreh se, ai lexuesit shqiptar i ofron informacione të konsiderueshme për jehonën e Lidhjes së Prizrenit në botënarabe. Recensenti i librit, doktor Muhamed Mufaku, njëherësh edhe profesor i Historisë Bashkëkohore në Universitetin Al – Elbejt në Jordani, ndërkaq, sqaroi se me Morinën kishin punuar së bashku në arkivat e Egjiptit. Puna kërkimore dhe shkencore e Morinës kishte të bënte me Lidhjen Shqiptare të Prizrenit.“Libri i Morinës e paraqet rëndësinë e Lidhjes së Prizrenit dhe paraqitjen e çështjes shqiptare në botë dhe arenën botërore, e në këtë rast, në opinion egjiptian dhe atë arab”, theksoi Mufaku. Kurse profesori Feti Mehdiu librin e Morinës e cilësoi si një sinjal ndaj opinionit “shkencor shqiptar se në Egjipt po fshihet një lëndë me interes për historinë shqiptare”, ndërsa tani, pas tri dekadash dhe falë përkrahjes së Bashkësisë Islame, Morina “para opinionit shkencor e kulturor shqiptar sjell një vepër të rrallë”. Ndërkohë që sipas Agim Zogajt, libri i Morinës, veç tjerash, shtron tri çështje “ku ishim dje, ku jemi sot dhe ku do të jemi nesër”.