Shtohet numri i të miturve në Facebook

Një e katërta e të miturve ka profil në Facebook apo në rrjetet tjera për shoqërim online përkundër ndalesave, ka dëshmuar një hulumtim i kryer kohë më parë në Britani të Madhe.
Një prej katër fëmijëve në moshave tetë e 12 vjeçare ka profilin e vet në Facebook, MySpace apo Bebo. Hulumtimi është po ashtu brengosës për faktin se shumica e prindërve nuk kanë njohuri se fëmijët e tyre kanë profile nëpër faqet për shoqërim online.

“Ani pse rreziku për keqpërdorim të fëmijëve nëpërmes internetit çdo ditë është më i madh nuk kemi vërejtur prindërit të kenë shtuar kontrollin”, ka deklaruar zëdhënësi i kompanisë Ofcom e cila e ka kryer hulumtimin, duke shtuar se hulumtimi ka dëshmuar se tre nga dhjetë fëmijë në mes moshave 12 e 15 vjeç kanë kompjuter në dhomat e tyre.