Doni të shpëtoni nga Facebook-u?

Kaloni shumicën e kohës në sitet sociale si Facebook dhe Twitter?
Nëse bota virtuale ju ka bërë të harroni dhe të shkëputeni nga jeta reale, atëherë edhe ju jeni një nga vartësit e rrjetit social. Por gjendja nuk është aq kritike sa duket.

Nuk është i pakët numri i atyre të cilët duan të mbyllin adresat për të shpëtuar nga kjo lloj vartësie. Por fshirja e informacionit kërkon një kohë të gjatë. Për ta zgjidhur këtë problem një kompani gjermane përgatiti një program të ri. Ky program fshin shumë lehtë të gjitha informacionet të cilat i përkasin adresave tuaja në Facebook, LinkedIn, MySpace dhe Twitter.

I njohur si “Makina vetëvrasëse Web 2.0”, ky program arrin të fshijë për 52 minuta të gjithë informacionin tuaj. Po ta provonit ta bëni vetë këtë punë do t’ju kushtonte afërsisht 10 orë kohë.

Për ta vënë në punë këtë program mjafton të shkruani kodin dhe të mbështeteni në karrige. Në fund ju do të qetësoheni kur të shihni fshirjen e të gjithë miqve në Facebook dhe Twitter. Po ashtu një ekran krejt bosh.