Sa kushtojnë koncertet e Genta Ismajlit?

Këngëtarja nga Kosova, Genta Ismajli, e cila prej shtatë vitesh është në skenën muzikore shqiptare, po bëhet akoma edhe më e preferuar nga fansat falë këngëve të saj ritmike dhe performancave seksi.

Ngado që gjendet ajo, sallat e koncerteve mbushen plot, me vetëm pak reklamë.

Muajin e ardhshëm Genta do të udhëtojë drejt Shteteve të Bashkuara të Amerikës dhe në Kanada më 24 dhjetor për të dhënë disa koncerte atje.

Këtë radhë Genta do të jetë e shoqëruar nga disa reperë të njohur si: Capital T, Noizy, Real 1 dhe Dj Blunt.

Koncertet do të mbahen në Nju-Jork, një ditë më pas në Kanada, kurse pastaj në Detroit dhe Michigan, bën të ditur Panorama.

Gjatë gjithë performancës së saj do të shoqërohet edhe nga një Dj shumë i njohur kanadez, Dj Viss.

Për gjithë këtë angazhim disa ditor, angazhimi i këngëtares Genta Ismajli me gjithë akomodim do t’i kushtojë organizatorit rreth 50 mijë euro, duke mos përfshirë këtu edhe shumat që do të paguhen për të ftuarit e tjerë.