Obama përkrah anëtarësimin e Turqisë në Bashkimin Evropian

Lisbonë - Presidenti i Shteteve të Bashkuara të Amerikës, Barak Obama, deklaroi se anëtarësimi i Turqisë në Bashkimin Evropian do të përforcojë edhe më shumë themelet unionit.
Gjatë një interviste për të përditshmen italiane “La Republica”, Obama tha se shumëllojshmëria e racave, feve dhe kulturave është një përfitim.

“Ndryshimet etnike, traditat dhe besimet janë një përfitim për Evropën,- tha Presidenti amerikan Obama-, anëtarësimi i Turqisë do të përforcojë dhe zgjerojë edhe më shumë themelet e Bashkimit Evropian”.

"Jemi të sigurt që një Turqi e cila ka plotësuar kriteret e BE-së do të jetë një kontribut për unionin, si dhe përpjekjet për të arritur këto kritere do të jenë për të mirën e Turqisë", deklaroi Presidenti amerikan Barak Obama