Jeta e Adelina Ismailit 2010

- Si fillon dhe si mbaron një ditë e zakonshme për Adelinën?
Zgjimi, kafja, shikoj agjendën, grabis pak kohë për të bërë not, pasditja takime ose studio, mbrëmja në kinema apo teatër, para gjumit lexim (momenatalisht «Pesha e kryqit» -Ismail Kadare).

- Ku i kaloni fundjavat zakonisht?
Duke kënduar. Kur nuk këndoj, ndonjë koncert i këngëtarëve botërorë. Është fantastike të jesh spektator. (qesh)

- Po, për pushimet verore keni menduar këtë vit?
Ndoshta nga shtatori. Ende asgjë konkrete.

- Përveç muzikës me çfarë merret tjetër Adelina Ismaili?
Përgatitjet për të filluar studimet ne Fakultetin Juridik.

- Adelina keni dhënë koncerte në shumë vende të botës. Në cilin prej tyre jeni ndjerë super e vlerësuar?
Dy vitet e fundit,absolutisht kudo qe kam pasur koncert nuk kam mundur të flas nga 5 deri ne 10 minuta nga duartrokitjet. Tingëllon klishe, por nuk kam si t’ i ndaj. Ndoshta Neë York, kur pashë Aurela Gace-n që kishte ardhur dhe po kënaqej.

- A keni shumë miq?
Nuk është sasia, por kualiteti (qesh). Në këto kohëra personat publik e kanë të pamundur të kenë shumë miq të vërtetë. Kam miq aq sa duhet dhe falëmnderit Zotit për këtë gjë. Natyrisht që janë një e mirë e domosdoshme.

- Jeni besimtare dhe cila është motoja që nisni ditën?
Jam besimtare. Diten e nis me lutjen : «Zot me jep fatin ashtu si e kam shpirtin»

- Nëse ju bëhen padrejtësi si reagoni?
Dikur kërkoja drejtësinë me grushte. Tash padrejtësinë e ndëshkoj me suksese.

- Besoni ne miqësi?
Jam idealiste e papërmirësueshme. Besoj.

- Po tek njerëzit në përgjithësi?
Jo.
- Adelina kemi parë që nuk ju pëlqen të bëni ndryshime drastike përsa i përket flokëve tuaja...
Nuk ndjehem si Adelinë, ndryshimet drastike në koke dhe mbi kokë më bëjnë të pasigurt. Kam bërë eksperimente të paimagjinueshme, që faleminderit Zotit kanë zgjatur shkurt dhe larg kamerave.

- Adelina njiheni për një trup perfekt. Si arrini që t'i ruani këto linja?
Uou faleminderit !Kam mamin që peshon sa unë, bëj not dhe vallëzim, por edhe nëna natyrë me zemërgjerësi tërë familjen na ka «shëndoshur » vetëm në «ballkonet» e domosdoshme (qesh)

- Mendimi juaj për ndërhyrjet kirurgjikale?
Pas moshës 45 vjeçare, pse jo ?

E vërteta sipas Adelinës

Është rikthyer përkohësisht në Prishtinë, por po përpiqet të bëjë jetë të qetë, larg mediave dhe syrit të publikut. Këngëtarja Adelina Ismaili, e cila prej kohësh ka vendosur të jetojë fillimisht në Zvicër e tash në Francë, në një intervistë për “Express Live” ka zbuluar disa fragmente nga jeta e saj, duke sqaruar edhe disa thashetheme të fundit për jetën e saj private. Në planin profesional, ajo tashmë ka promovuar albumit e saj të ri “Feniks” në një diskotekë në Zvicër, ku edhe e ka edituar. Lidhur me këtë projekt, Adelina tregon se ka pasur interesim të madh nga publiku. Kjo, sipas saj, edhe për faktin se ky album është i veçantë edhe për mënyrën si është realizuar, edhe për mënyrën si është promovuar, moment ky që ka qenë një shou më vete. Nga ana tjetër, gjatë kësaj periudhe ajo nuk pushuar asnjëherë me koncerte e mbrëmje të shumta gjithandej në perëndim, ndërkohë në mendje ka edhe një turne tjetër në Amerikë, i cili “dashtë Zoti do të përsëritet edhe sivjet”, shprehet këngëtarja. Në këtë intervistë, ajo ka treguar për projektet që po realizon në perëndim, albumin e ri, për intervistën dhënë BBC-së, për konkurrimin në “Këngën Magjike”, për videoklipet “Tribalb” dhe “Urdhër i ri-Illyric”, si dhe sqaron thashethemet për martesën e saj dhe hyrjen në politikë me një parti të veten.

Jeta në Zvicër e në Francë

Në fakt, në fillim kam qenë më e koncentruar në Zvicër, atje kam filluar prej zeros, atje kam nisur t’i mbroj veprat e mia, të drejtat e mia. Por, momentalisht, jam duke jetuar në Francë, ku po bëj diçka... po punoj për albumin që do të editohet në Francë e në Zvicër. Qyshkur u barta atje, vendosa të punoj me emra të njohur të muzikës. Atje po përpiqem të jem si gjithnjë ndryshe, por gjithmonë duke tentuar të promovoj kulturën, muzikën dhe gjuhën time. Megjithëkëtë, në këtë album të ri do të ketë këngë edhe në gjuhën angleze e franceze. Tash për tash kaq. Për më shumë detaje nuk mund të flas, sepse as vetë s’i kam të gjitha gjërat e qarta.

Intervista për BBC-në

Intervista për BBC-në ka qenë e rastit, ka qenë një intervistë e bukur, me pyetje të llojllojshme, që më ka argëtuar. Për këtë dua ta falënderoj personin që më ka dhënë këtë mundësi dhe më ka intervistuar. Pa hyrë më tej, vetëm po them se jam personi i parë që kam dhënë këtë intervistë përmes telefonit për BBC-në.

“Tribalb” dhe “Urdhër i ri-Illyric”

Këto dy projekte janë bërë për të përmbushur kërkesat e publikut, pasi fansat e mi filluan të më kritikonin që s’po nxirrja ndonjë këngë a klip të ri. Por, unë i kam bërë më shumë si hobi, sepse kam projekte edhe më të mëdha, realizimi i të cilëve kërkon vite. “Tribalb” ka të bëjë me tolerancën fetare, unë gëzohem që ne shqiptarët e kemi këtë virtyt, por meqë jemi në kohën kur flitet kaq shumë për këtë fenomen, atëherë e kam trajtuar edhe unë këtë në këngë. Ndërsa ndaj videos “Urdhër i ri-Illyric” ka pasur reagime të shumta dhe tentime për ta censuruar. Këtë e kam parë edhe nga një intervistë që kam dhënë në Mal të Zi. Nisur nga kjo situatë, jam hedhur bashkë me bashkëpunëtorët e mi për t’i dhënë të drejtën këngës që të transmetohet dhe ia kemi arritur qëllimit.

E martuar?

Jo, jo, në asnjë mënyrë, si mundet dikush të mendojë se unë martohem fshehtas, kur dihet që martesa është akti më i bukur në jetën e një femre. Unë e di që tendenca për ta denigruar një artist ka eksituar gjithnjë te ne, si edhe në gjithë botën, por, kur është fjala për martesën time, në momentin që do të martohem, do ta marrë vesh krejt bota.

Në politikë?

Unë s’kam kurrfarë ambiciesh politike, edhe ky ka qenë trill i një gazetari të caktuar, e as parti s’ka nga unë, s’kam qenë kurrë përkrahëse e politikave, e as e partive, jam përkrahëse e një ideologjie, e cila ka lindur dhe jeton me mua derisa të vdes. Prandaj, politikanët s’kanë nevojë as të gëzohen e as të hidhërohen, sepse unë nuk do të jem kurrë në politikë.

Adelina Ismajli vendoset në Francë dhe fillon studimet për drejtësi

[You must be registered and logged in to see this image.]

Këngëtarja e njohur kosovare vazhdon suksesin me turneun nëpër Kosovë, Shqipëri, Maqedoni e Mal të Zi, ndërsa pregadit album për tregun europian dhe gjithashtu është duke realizuar një projekt të madh filmik së bashku me disa emra të njohur të artit.

Fillon aktrimin
Një pasion i madh i këngëtares si duket po fillon të ngrejë krye kohëve të fundit. Pjesmarrëse në shumë humore dhe pjesë filimike të metrazhit të shkurtër, Adelina asnjëherë nuk e ka fshehur ambicien e saj për të filluar edhe me aktrim por duke qenë një ndër emrat më të angazhuar të estradës, koha nuk i ka mjaftuar për përkushtim më të madh ndaj aktrimit. Në këtë drejtim një kontribut të madh ka dhënë edhe një aktor i madh kosovar tashmë i ndjeri Faruk Begolli, i cili sa herë takonte Adelinën, i thoshte pse nuk fillon të merret me aktrim. Dhe si duket ka ardhur koha dhe momenti që Adelina të shfaqë talentin e saj në një projekt të madh filmik me buxhet të madh ku ajo do të aktrojë përkrah emrave të mëdhej të artit filmik. Këtë gjë e ka pohuar edhe vetë Adelina në një emision televiziv në Kosovë.

Fillon studimet për drejtësi

Adelina ka mbaruar shkollën fillore dhe të mesme të muzikës me disa profesorë të mëdhenj të muzikës në Kosovë, ndërsa studimet i kishte filluar në Kolegjin “Fama” në Prishtinë si studente me korespondencë, por më vonë i ka ndërprerë për shkaqe të panjohura. Mes shumë angazhimeve të mëdha që ka ajo, një kujdes të veçantë ka filluar t’u kushtojë edhe studimeve që ka filluar në fushën e drejtësisë, studime këto që i ka mbaruar edhe e motra e saj, Zanfina.

Projekti për Europë në anglisht dhe frëngjisht

Një tjetër projekt të madh që po pregadit Adelina, është edhe albumi i ri për Europë edhe atë në gjuhën angleze dhe franceze. Siç thekson ajo, insistimi për të vendosur edhe ndonjë këngë në gjuhën shqipe do të vazhdojë, por fjalën e fundit do e kenë producentët e huaj me të cilët bashkëpunon. Nuk flet më shumë rreth projekteve pasi kontratat e nënshkruara nuk lejojnë të thuhet diçka para se të realizohet. I gjithë projekti është i dedikuar tregut europian duke përfshirë këtu vendet e Bashkimit Europian, ndërsa për shitjen e albumit do të përkujdeset kompania e famshme “Media Markt”. “Momentalisht aktivitetin tim jam duke e realizuar në Francë, ku jam duke bashkëpunuar me disa producentë të njohur atje për realizimin e albumit të ri, dhe normal për këtë investim duhet kohë dhe financa për shkak se nuk bëhen gjërat siç bëhen tek ne për një kohë të shkurtër”, ka theksuar këngëtarja në një intervistë televizive.