Ibra tregon mënyrat si i shënon golat

Milani pas disa viteve renditet në kreun e Serie A dhe një javë para fundit ka siguruar fazën e dytë të Ligës së Kampioneve. Para se gjithash për të gjitha këto më meritorë është Zlatan Ibrahimoviç. Edhe pse skuadra nuk luan mirë, fintat e suedezit janë të mjaftueshme për fitore. Për magazinën FourFourTwo Ibra është munduar të tregojë gjashtë arsyet se si arrihet të bëhen të lumtur tifozët.

1. Sulmuesi që nuk di ta ruajë topin, s’është sulmues i mirë

Duke e shfrytëzuar forcën në shpatulla, gjunjë dhe duar, e ruaj topin. Kjo është shumë me rëndësi pasi lojtarëve të tjerë iu pamundësoj që të më bashkëngjiten në sulm. Në atë moment unë e vlerësoj situatën dhe do t’ia jap topin atij që është në pozitë më të mirë. Sulmuesi duhet të dijë sit a ruaj topin, përndryshe nuk është sulmues.

2. Duhet të gjejë vend në fushë që ta pranojë topin

Ndonjëherë di që të afrohet edhe afër mesfushës që vetëm ta pranoj topin, ndërsa ndonjëherë me qëllim largohem nga loja që t’i largoj sa më shumë mbrojtësit nga pozitat e tyre. Me rëndësi është të sakrifikosh për skuadrën.

3. Sulmuesi i mirë çdoherë vepron para mbrojtësit

Hapi i parë është shumë i rëndësishëm. Nëse e hidhni para mbrojtësit jeni në përparësi të madhe. Unë në atë segment edhe nuk jam shumë i mirë, ndërsa David Trezeguet thuajse e ka perfeksionuar këtë metodë. Ka një instinkt të jashtëzakonshëm se ku do të vijë topi dhe si duhet të veprohet më tutje.

4. Loja pa top është e barabartë me lojën me top

Shpeshherë shoh se si futbollistët qëndrojnë në terren edhe pse unë e kam topin. Kështu që në momentin kur të marr topin unë e di se kush ku gjendet. Dhe sakte e di se si do të shkojë loja pastaj.

5. Psikikisht përgatiteni për lojtarët “e paedukuar”

Duke pasur parasysh se fizikisht jam mjaft i fuqishëm, iu shërbej të gjithëve të më shtyjnë. Tentojnë të më ndalin me forcë dhe ndonjëherë është e pamundur këtë ta ndalosh. Kështu që është mjaft me rëndësi që sulmuesi të përgatitet psiqikisht për të gjitha këto.

6. Më fyejnë, por duhet të duroj

Gjithçka që më thonë në fushë se jam një “cigan”, jam ky e ai...Por duhet të kuptoni se kjo është pjesë e taktikës së tyre se si juve të iu largojnë nga baraspesha dhe t’iu provokojnë. Profesionisti i vërtetë siç jam unë nuk guxon të bie pre e këtyre provokimeve.