“El Clasico”, Guardiola hyn në histori, mposht Realin 5:0

"El Clasico”, ndeshje kjo e shumë pritur ndërmjet Barcelonës dhe Realit të Madridit ka përfunduar me fitore të thellë të katalunasve me rezultat 5:0.

Serinë e golave për Barcelonën e hapi Xavi Hernandez, i cili në minutën e 10-të të ndeshjes paraboloi portierin e Realit, duke shënuar për rezultatin 1:0. Në minutën e 18-të, gjuajtjen e David Villës e priti portieri Kasilas, ndërsa aty afër u gjend Pedro, i cili shënoi për 2:0.

Në pjesën e dytë të ndeshjes, Barcelona vazhdoi lojën me të njëjtin ritëm. Golin e tretë dhe të katërt për katalunasit e shënoi David Villa në minutën e 52-të dhe të 55-të.

Golin e fundit të ndeshjes për katalunasit e shënoi Suares në minutat shtesë të ndeshjes.

Më këtë fitore, Barcelona ngjitet në pozitën e parë, me dy pikë më shumë se Reali i Madridit, pasi që kjo e fundit, deri më tani mbante pozitën e parë me një pikë më shumë se Barcelona.