Ndarja e trojeve, së shpejti në Hagë

Pak kohë më parë Gjykata Ndërkombëtare e Drejtësisë në Hagë mori në shqyrtim një dosje voluminoze që kishte të bënte me legjitimitetin e pavarësisë së Kosovës. Nuk kaloi shumë kohë nga vendimi i kësaj gjykate dhe një tjetër dosje që ka të bëjë me shqiptarët do të shqyrtohet.

Koco Danaj,drejtori i Qendrës së Prognozave Politike dhe Sociale në Tiranë,do të paraqesë në janar të vitit 2011 një ankesë kundër Konferencës së Londrës të vitit 1913,konferencë që vendosi përfundimisht copëtimin e trojeve shqiptare. Dicka e tillë bëhet publike në një intervistë që Koco Danaj ka dhënë për të përditshmen kosovare “Koha Ditore”.

Danaj pohon se ka mbledhur shumë dëshmi rreth kësaj konference të paligjshme që morri vendime në kurriz të shqiptarëve. Gjykata Ndërkombëtare e Drejtësisë do të japë mendim nëse vendimet e Konferencës së Londrës ishin të paligjshme dhe në dëm të shqiptarëve “Përderisa na thonë veproni në mënyrë demokratike, ne po veprojmë siç do bota, në mënyrë demokratike. Pra, përjashtojmë dhunën, përjashtojmë luftën” shprehet Danaj