Ambjentet e Wikileaks janë vendosur në bunker nëntokë(Video)

Askush nuk do të habitet nëse tani e sheh ambientin e punës të themeluesit të platformës së internetit “Wikileaks”, Xhulian Asanzh. Ambientet e punës së tij janë të vendosura në bunkerin nëntokësor në thellësi prej 30 metrave në një lagje të Stokholmit. Në qendrën kompjuterike Pionen, e cila i takon kompanisë së prouajderëve Banhov ISP janë të vendosur fajlet e “Wikileaks”, të cilat ruhen në serverët e posaçëm në bunkerin e rregulluar në stilin e filmave të agjentit Xhejms Bond.

Ky bunker gjatë luftës së ftohtë shërbente si strehimore kundër atomit dhe se ai edhe tani mund ti përballojë një sulmi me bombë hidrogjenike. Ai gjendet 30 metra nën tokë, në një shpellë me mure graniti nën parkun Vitaberg. Furnizimi rezervë me energji elektrike siguroht nga dy motor dizelë “majbah MTU”, që janë identike me motorët e nëndetësve të NATO-s me fuqi prej 1,5 megavat.

Dera e hyrjes është me trashësi prej 40 centimetrave. Bunkeri është rinovuar në vitin 2008 sipas projektit futuristik të kompanisë suedeze të projekteve “Alber Frans – Lanor arcitects”. Bunkeri gjendet në një hapësirë prej 1.200 metrave katror, i përbërë prej një korridori dhe katër hapësirave të mëdha, ku janë të vendosur serverët.