Marty pohon ta dijë ku kanë shkuar organet e trafikuara

Raportuesi i Këshillit të Evropës, Dick Marty ka deklaruar se di më shumë rreth asaj se kush i ka marrë organet njerëzore si dhe vendet që kanë qenë të përziera në këtë.

Megjithatë, ai i ka thënë gazetës zvicerane “Tan” se nuk mund të ofrojë më shumë detaje për arsye të procesit që momentalisht po udhëhiqet në Prishtinë për tregtinë me organe njerëzore në klinikën Medikus të Prishtinës.

Ai prêt që raporti I tij do t’i kontribuojë zbardhjes së ngjarjeve gjatë viteve 1999 dhe 2000 dhe do t’i inkurajojë dëshmitarët për të paraqitur të vërtetën.

Me rastin e paralajmërimit se për shkak të akuzimit të pabazë në raportin e tij, kryeministri në largim Hashim Thaçi do ta padisë në gjykatë, ai u përgjigj se “zotëri Thaçi është i lirë të bëjë çka të dojë”./koha