Si mund ta lini duhanin

Me pirjen e duhanit duhet të kemi parasysh varësinë që krijon trupi nga nikotina. Për të lënë duhanin, tre elementë janë të domosdoshëm. E para është motivimi i lënies, d.m.th. është një vendim personal i duhanpirësit dhe besimi që ai ka për ta bërë një gjë të tillë. Duhet të jeni të bindur për lënien e tij për të paktën 6 muaj. Nëse nuk jeni ende tamam të bindur në lënien e duhanit, atëherë përpiquni që ta bëni gradualisht, duke pirë gjithnjë e më pak. Në të njëjtën kohë është mirë që të forconi idenë se përse duhet ta lini, duke folur shpesh me të tjerët që të bindni veten.




Së dyti, nëse motivimi është i mirë, atëherë u këshillohet duhanpirësve që ta lënë për disa orë duhanin dhe të shohin se çfarë problemesh kanë. Objektivi është që të zvogëlohen pasojat që vijnë nga lënia e duhanit: dëshirë e madhe për të pirë duhan, mendimi fiks te cigarja, nervozizëm, mungesë përqendrimi, lodhje… Duhet theksuar këtu se sa e madhe është varësia e trupit nga cigarja, duke i shtuar edhe faktorët psikologjikë, dëshirë, çlodhje, menaxhim i stresit, pesha, puna intelektuale… Gjatë bisedës me mjekun duhet që pacienti t’i bëjë disa pyetje vetes lidhur me ankthin dhe depresionin.
Së treti, nuk duhet të ketë kthim mbrapa. Nëse keni vendosur të nisni duhanin, pasi keni filluar një trajtim mjekësor, shkaqet mund të jenë të shumta, duke nisur nga rritja e ankthit apo rënie e moralit në një gjendje depresive. Rënia e përqendrimit shpesh është e vështirë të kompensohet. Zakonisht cigarja fillohet sërish si pasojë e mungesës në vetvete dhe një hiperndjeshmërie ndaj stresit. Me lënien e duhanit mund të keni dhe një rritje në peshë. Nevoja e menjëhershme për t’iu kthyer duhanit përbën një nga faktorët kryesorë të nisjes së duhanit. Në fakt, cigarja konsumohet në rrethana të ndryshme, mbledhje, pas kafesë, pas një gote verë, pas një situate stresuese etj. Sa herë që përballemi me këto situata është një mundësi për t’iu kthyer duhanit, pasi një gjë e tillë mbetet e fiksuar në memorie. Një gjë e tillë mund të vijë ndërmend edhe pas shumë muajsh, pse jo dhe vitesh.
Ndalimi në dy kohë
Ish-duhanpirësi duhet të mësohet sesi t’i menaxhojë këto situata duke përpunuar mënyra të sjelli: frymëmarrje e thellë, pirja e shumë uji dhe ndryshimi i ambientit. Po kështu është e nevojshme që të keni një gjë me vete për të ngrënë kur ju pihet duhan. Kur motivimi nuk është i mjaftueshëm, një ulje e shpejtë e rreziqeve që të çojnë drejt duhanit mund të zëvendësohet me ilaçe që përmbajnë nikotinë. Gjatë kësaj periudhe, shfaqet dhe motivi i vërtetë dhe lënia e duhanit mund të kryhet: kjo është ndalesa me dy kohë. Mungesa e motivit është e lidhur me një gjendje depresive. Në fakt, nuk ka një trajtim specifik për lënien e duhanit. E rëndësishme është që të ndani mendjen.
Si ta lini duhanin pa shtuar në peshë
Me gjithë një mënyrë jetese sedentare, pesha e trupit e duhanpirësve, sipas moshës dhe seksit, është më e vogël se e ajo e jo duhanpirësve. Në fakt problemet me stomakun, me metabolizmin dhe problemet kardio-vaskulare janë më të shumta te duhanpirësit. Në fakt duhanpirësit janë më të predispozuar të pësojnë infarktin e miokardit. Aktualisht mund të thuhet se mënyra më e mirë për të ruajtur formën e trupit është duhanpirja. Në të vërtetë pesha është shumë e lidhur me konsumimin e cigareve. Pjesa më e madhe e femrave, pse jo dhe e burrave, pinë duhan që të mos shtojnë në peshë. Frika se me lënien e duhanit mund të shëndoshesh është më shumë te femrat se sa te burrat dhe kjo ikën me kalimin e moshës. Rreth 50 për qind e grave dhe 30 për qind e burrave thonë se rritja në peshë i ka detyruar t’i kthehen duhanit. Ndalja totale e duhanit dhe shtimi në peshë janë të lidhur me njëri-tjetrin. Marrja e kileve është më e dukshme sidomos gjatë vitit të parë të lënies së duhanit. Por më pas kjo tendencë bie. Por sa më të rinj të jemi kur e lëmë duhanin, aq më shumë shtojmë në peshë. Shtimi në peshë është më i madh te personat që nuk janë çift dhe te gratë që kanë një ose dy fëmijë. Perimetri abdominal mund të rritet pas lënies së duhanit. Një nga shpjegimet e mundshme të kësaj rritjeje në peshë është se uria është e lidhur me një dëshirë të madhe të të pirit duhan. Një regjim strikt me pak kalori mund ta ulë mundësinë e shtimit në peshë, por kjo gjë nuk mund të bëhet për një kohë të gjatë. Prandaj është më mirë që, të paktën, një regjim i tillë të zgjasë për 12 muaj. Nuk ka ndonjë ilaç specifik që mund të na ndihmojë të shëndoshemi pas lënies së duhanit. Po kështu e mirë do të ishte dhe nisja e ushtrimeve fizike, dhe kjo gjë të vazhdonte për një kohë të gjatë. Çdo duhanpirës mund të përgatitet nga specialistët e shëndetit në momentin kur vendos të lërë duhanin. Prandaj ai duhet të ndiqet nga një specialist para dhe pas lënies: duhet të bëjë kujdes me ushqimet, të ketë nën kontroll perimetrin abdominal, dhe disa parametra biologjikë. Shoqërimi i duhanpirësve para dhe pas lënies kërkon kohë dhe shumë durim