3D pa syze në laptopë deri në fund të 2011?

Toshiba nuk është lojtar i ri në zhvillimin e teknologjive 3D, përveç TV-së së shtrenjtë që nuk kërkon syze speciale 3D, ka demonstruar edhe laptopin Qosmio me të njëjtën teknologji.


Sipas Phil Osako, drejtor i marketingut të produkteve, bëhet fjalë për të njëjtën teknologji – në kapak gjenden dy LCD 3D parallax, ndërsa në kamerë është integruar teknologjia eye-tracking e nevojshme për analizën e drejtimit të shikimit të shfrytëzuesit dhe për përshtatjen e paraqitjes. Thuhet se me të gjitha këto teknologji do të duhej të shmangej “zona e vdekur e paraqitjes stereoskopike tredimensionale”.

Toshiba megjithatë më së shumti do të duhet të punojë në zgjerimin e këndit të shikimit, që tani për tani është kufizimi më i madh i kësaj teknologjie. E lëvizni pak kokën jashtë shikimit të drejtpërdrejtë në ekran dhe fotografia turbullohet./knn/