Berlusconi akuzohet për marrëdhënie seksuale me një të mitur

Skandalet e kryeministrit të Italisë, Silvio Berlusconit, nuk duket se do mbarojnë, pasi tanimë veç ai akuzohet dhe për marrëdhënie seksuale me një të mitur.

Ai ka hedhur poshtë akuzat për marrëdhënie seksuale me një prostitutë të mitur, dhe këtë e ka bërë mes një video-mesazh ku thuhej se "kurrë nuk ka paguar para për marrëdhënie seksuale me ndonjë grua".

Organet italiane të drejtësisë kanë nisur hetimet kundër kryeministrit Berlusconi, i cili nuk akuzohet vetëm për këtë por mbi të rëndojnë shumë akuza, deri në keqpërdorimin e detyrës.

Vajza e mitur është burgosur për shkak të vjedhje dhe sipas të dhënave Berluskoni ka kërkuar lirimin e saj ne maj të vitit të kaluar.

Berlusconi nuk i hodhi poshtë pohimet për ndihmën e kësaj vajze, por theksoi se me të nuk ka pasur kurrë ndonjë lidhje seksuale.