Formula 1, Alonso favorit për sezonin e ri

Ferraristi Fernando Alonso kuotohet si favoriti kryesor për të fituar titullin kampion në Formula 1 për sezonin e ardhshëm.
Spanjolli i “Kokëkuqes” ka koeficientin 3,75, duke lënë pas kampionin në fuqi, Sebastian Vetel (4,00). Mundësitë më të mëdha pas gjermanit të Red Bullit i ka Ljuis Hamilton (5,00), i cili lë prapa shtatë herë kampionin e botës, Mikael Shumaker. Piloti i Mercedes GP kuotohet me koeficientin 12.

Mark Veber renditet i pesti, me të njëjtin koeficient (15) si Rosberg dhe Baton që vijnë menjëherë pas australianit. Kubica ka koeficientin e fitores 25, aq sa Felipe Masa, ndërkohë që mbyllin listën e dhjetë të parëve Kobaiashi dhe Barrikelo (150).

Sa i përket mundësive për titullin e konstruktorëve, Red Bulli shihet më i favorizuar ndaj Ferrarit (2,75 kundrejt 3,00). Kjo shpjegohet me faktin që duke luftuar vetëm me një makinë, Ferrari e ka të vështirë të arrijë titullin për konstruktorë.


Kuotat për fitimin e titullit në sezonin 2011-2012 në Formula 1:

Alonso 3,75
Vetel 4,00
Hamilton 5,00
Shumaker 12
Veber 15
Rosberg 15
Baton 15
Kubica 25
Masa 25
Kobaiashi 150
Barrikelo 150