Google: Bing po na i vjedh të dhënat

Gjiganti i internetit Google ka akuzuar makinën e kërkimit Bing të Microsoft se po kopjon rezultatet e tyre të kërkimit.


[You must be registered and logged in to see this image.]
Një prej inxhinierëve të Google Amit Singhal ka shkruar në profilin e tij në Twitter: “As në ëndrrat më të çmendura nuk do të mund ta paramendoja këtë – Bing mashtron, kopjon rezultatet e kërkimit të Google”!
Nga Google theksojnë se janë bindur se Bing, i cili me 10 për qind të vet të pjesëmarrjes në treg nuk mundet edhe të konkurrojë me gjigantin e internetit, i vjedhë rezultatet e kërkimit, e për ta dëshmuar këtë kanë kryer edhe një eksperiment.
Në fakt, inxhinierët e Google për afro 100 shprehje të trilluara, si për shembull hiybbprqag, kanë montuar rezultate të caktuara të kërkimit. Kështu, nëse përdoruesi do të shkruante “hiybbprqug” si rezultat do të fitonte faqe me renditjen e ulëseve në një sallë teatri në Los Angeles.
Eksperimentin e kanë përsëritur disa herë, duke montuar rezultatet e kërkimit me një shprehje të caktuar.
Pas disa ditësh shprehjen e njëjtë të trilluar inxhinierët e Google e kanë shkruar në Bing dhe kanë marrë rezultatin e njëjtë si tek kërkimi me anë të Google. Me këto fakte në dorë, ata kanë akuzuar Bing për mashtrim.
Menjëherë kanë pasuar reagimet nga Microsoft. Ata kanë theksuar se nuk kopjojnë rezultatet e kërkimit të Google, dhe kanë akuzuar konkurrentin më të madh për spiunim.
“Ne nuk kopjojmë rezultatet e kërkimit të Google. Shfrytëzojmë më shumë sinjale dhe qasje në radhitjen e rezultateve të kërkimit”, ka thënë Harry Shum, zëvendëskryetar i Bing.
Mirëpo, nga Google theksojnë se kanë dëshmuar që Bing vjedh, raporton BBC.
“Ky është mashtrim i thjeshtë. Bing duket si imitim i papërfunduar dhe ‘palidhje’ i Google”, ka përfunduar Singhal.