Brazil: Mbi 200 viktima nga përmbytjet

Numri i viktimave nga përmbytjet dhe rrëshqitjet e tokës të shkaktuara nga shirat e mëdha në Brazil, është rritur në 205, ndërsa mijëra njerëz kanë mbetur pa strehë.
Shirat më të mëdha në 40 vjetët e fundit, që filluan të hënën, kanë shkaktuar gati 200 rrëshqitje të tokës, ndërsa në rrëshqitjen e fundit të tokës në qytetin Niteroi, sot në mëngjes, kanë pësuar dhe viktimat e reja. Ekipet e shpëtimit kanë gjetur 10 trupa dhe kanë shpëtuar disa dhjetëra njerëz nën rrënojat e rreth 50 shtëpive, të cilat janë shkatërruar dje, raporton agjencia Reuters.
Ekipet e shpëtimit, megjithatë, thonë se janë të vogla shanset për gjetjen e të mbijetuarve të tjerë, për shkak të mungesës së oksigjenit në baltë nën rrënoja.
Qeveria braziliane ka njoftuar sot se do të sigurojë 113 milionë dollarë për të ndihmuar zonat e prekura.
Autoritetet kanë njoftuan se ekziston rreziku që të paktën 10 000 shtëpi të shemben.