91 miqesoret e Shqiperise

Nga e para, ajo kundër Malit të Zi, tek e fundit, me Lituaninë. Një udhëtim statistikor i Kombëtares

[You must be registered and logged in to see this image.]
Nga ndeshja e parë miqësore kundër Malit të Zi, më 22 shtator 1946, të fituar 5-0 dhe deri të takimi i fundit miqësor ndërkombëtar, ai djeshmi kundër Lituanisë të fituar 4-1 (më 26 mars 2013), Shqipëria numëron 91 ndeshje miqësore, duke pasur një bilanc prej miqësore: 34 fitore, 25 barazime dhe 32 humbje. Miqësorja me Lituaninë ishte e dyta me ish-Republikën Sovjetike, pas asaj të luajtur, më 1 mars të vitit 2006, kur humbëm 2-1 (në bankinë ishte gjermani Hans-Peter Brigeli). Por, kësaj radhe Shqipëria mori revanshin. Për trajnerin Xhani De Biazi, sfida kundër Lituanisë ishte e shtata miqësore, qyshkur italiani mori drejtimin e Shqipërisë në dhjetor të vitit 2011: tre fitore, dy barazime dhe dy humbje për të, duke qenë ai gjithmonë më i suksesshmi. Dy fitoret e fundit pritet të reflektohen edhe në renditjen e FIFA-s, ku pritet të fitojmë disa vende. Aktualisht, ndodhemi në vendin e 64-t. Miqësorja e parë e Shqipërisë, edhe pse ajo nuk njihet nga FFIA (nuk ndodhet në databazën statistikore të saj) është ajo kundër Malit të Zi, një ndeshje e fituar 5-0 në Shkodër, falë golave të Jukës (2), Telitit (2) dhe Bizhutës (1), por dhe drejtimit në bankinë të trajnerit serb, Ljubisha Broçiç. Ky është trajneri i parë i huaj që ka drejtuar Kombëtaren tonë, por dhe që ka fituar Kampionatin Ballkanik, në vitin 1946. Në ndeshjet miqësore, Shqipëria ka vendosur edhe dy rekordet ekstreme të saj: humbjen më të thellë, 12-0 me Hungarinë (24 shtator të vitit 1950, Budapest), nën drejtimin e trajnerit Ludovik Jakova, si dhe fitoren më të bujshme, 6-1 kundër Qipros (12 gusht të vitit 2009, Tiranë), duke pasur në bankinë kroatin Josip Kuzhe. Në fakt, ndeshja e parë miqësore e Shqipërisë e njohur nga FIFA, duke përjashtuar atë kundër Malit të Zi (ende nuk konsiderohej një shtet), është ajo kundër Rumanisë, më 23 tetor në Bukuresht e të përfunduar në barazim 1-1 (gol i Qamil Telitit, 49’), por në regjinë e trajnerit rus, Boris Apuhtin. Fitorja e parë, daton më 4 qershor të vitit 1950, në fitoren 2-1 kundër Bullgarisë, falë golit të rrallë të Loro Boriçit (21’) e të kompletuar nga Vafsi Biçakut (56’). Fitoret më të thella: Shqipëri-Qipro 6-1, Shqipëri-Vietnam 5-0 dhe Turqi-Shqipëri (1-4). Humbja e parë është ajo me Poloninë, në Varshavë, më 6 nëntor 1949, me rezultatin 2-1, ku për Shqipërinë golin e vetëm e shënoi Zihni Gjinali: më të thellat, Hungari-Shqipëri 12-0 dhe Rumani-Shqipëri 6-0. Në fakt, si një humbje e turpshme mund të konsiderohet edhe ajo 2-0 me Andorrën (17 prill 2002). Jahmir Hyka është autori i golit më të shpejtë në historinë e Kombëtares. Ish-mesfushori i Mainc 05 shënoi në sekondën e 46-të në fitoren 2-0 të Shqipërisë në miqësoren kundër Lihtenshtejnit në “Qemal Stafa”, më 20 gusht 2008. Atëherë në drejtim të përfaqësueses ishte holandezi Ari Han. Ka një sërë miqësoresh të pazakonta për Kombëtaren tonë, pra ndeshje kundër ekipeve jo europiane, dhe në këtë listë bëjnë shtete afrikane, amerikano-jugore, aziatike, etj. Gjeografia shtrihet në të pestë kontinentet: me Kinën në Azi, Bahreinin, Katarin dhe Iranin, në Lindjen e Mesme, Algjerinë në Afrikë, Meksikën në Shtetet e Bashkuara, Argjentinën në Amerikën e Jugut, por dhe me Kubën në Berat. Me Kinën, Shqipëria ka zhvilluar dy ndeshje, duke pasur një pasur bilanc negativ: 1 humbje, 1 barazim, por ato ndeshje mund të konsiderohen me një sfond të pastër ideologjik, për të mos thënë se kemi humbur me dëshirë, apo me porosi. Në miqësoren e 15 shtatorit 1957, Kina fitoi 3-2 me Shqipërinë, ndërkohë që ndeshjen e kthimit në “Qemal Stafa”, takimi u mbyll në barazim 1-1 (7 nëntor 1973), por me porosi nga Komiteti Qëndror i ish-Partisë së Punës së Shqipërisë, pasi ndeshja përkoi në kohën e dashurisë së madhe me Kinën Popullore, pra ishte një porosi e vetë Enver Hoxhës. 35-vjeçari Panajot Pano barazoi golin e realizuar më parë nga kinezi Van, pikërisht në ndeshjen e fundit të Panos me fanellën kuqezi (24 të tilla). Më 11 tetor të vitit 1964, Kombëtarja jonë barazoi 1-1 me Algjerinë, një ndeshje e zhvilluar në Tiranë. Trajner ishte Zyber Konçi, ndërsa golin për ekipin tonë e shënoi i madhi Mexhit Haxhiu. Dymbëdhjet vjet më pas, Shqipëria fitor 3-0 me Algjerinë, po në “Qemal Stafa”, me golat e Ilir Përnaskës (2) dhe Shyqyri Ballgjinit, por në bankinë ishte Loro Boriçi. Kuba e largët e liderit komunist Fidel Kastro është mysafire në vendin tonë. Ndeshja zhvillohet në Berat, më 6 gusht 1998, pikërisht në përurimin e stadiumit të ri. Një ndeshje e mbyllur pa gola. Në bankinën kuqezi është trajneri Shyqyri Rreli. Nuk mungon në statistikat e Kombëtares dhe një ndeshje me Vietnamin, madje me një fitore të thellë: 5-0, të regjistruar nga trajneri gjerman Hans-Petër Brigel, të zhvilluar në Norçia të Italisë, më 12 shkurt 2003. Tejet e rrallë është miqësorja me Argjentinën, më 20 qershor 2011, në Buenos Aires, kundër Lionel Mesit dhe Karlos Tevezit dhe të humbur 4-0. Në bankinë ishte kroati Josip Kuzhe. Dy miqësoret e tjera ekzotike janë ato kundër Katarit në Madrid (22 maj 2012, të fituar 2-1 me golat e realizuar nga Elis Bakaj dhe Erjon Bogdani, ndërsa tjetra është ajo kundër Iranit, të zhvilluar në Stamboll (27 maj 2012), të fituar 1-0 me golin e Emiljano Vilës.


Gjeografia e ndeshjeve

Gjeografia e miqësoreve të Shqipërisë shtrihet në të pestë kontinentet: me Kinën në Azi, Bahrejnin, Katarin dhe Iranin, në Lindjen e Mesme, Algjerinë në Afrikë, Meksikën në Shtetet e Bashkuara, Argjentinën në Amerikën e Jugut, por dhe me Kubën në Berat, madje kemi zhvilluar edhe miqësore të bujshme si ato me Anglinë (B) në Bërnli dhe Portugalinë.


Dy rekorde në miqësore
Në ndeshjet miqësore, Shqipëria ka vendosur edhe dy rekordet ekstreme të saj: humbjen më të thellë, 12-0 me Hungarinë (24 shtator të vitit 1950, Budapest), nën drejtimin e trajnerit Ludovik Jakova, si dhe fitoren më të bujshme, 6-1 kundër Qipros (12 gusht të vitit 2009, Tiranë), duke pasur në bankinë kroatin Josip Kuzhe.


Miqësoret e kuqezinjve
1) 22.09.1946, Shkodër
Shqipëri-Mal i Zi 5-0

2) 23.10.1949, Bukuresht
Rumani-Shqipëri 1-1

3) 06.11.1949, Varshavë
Poloni-Shqipëri 2-1

4) 17.11.1949, Sofje
Bullgari-Shqipëri 0-0

5) 29.11.1949, Tiranë
Shqipëri-Rumani 1-4

6) 01.05.1950, Tiranë
Shqipëri-Poloni 0-0

7) 04.06.1950, Tiranë
Shqipëri-Bullgari 2-1

17.09.1950, Pragë
Çekosllovaki-Shqipëri 3-0

9) 24.09.1950, Budapest
Hungari-Shqipëri 12-0

10) 08.10.1950, Bukuresht
Rumani-Shqipëri 6-0

11) 29.11.1952, Tiranë
Shqipëri-Çekosllovaki 3-2

12) 07.12.1952, Tiranë
Shqipëri-Çekosllovaki 2-1

13) 29.11.1953, Tiranë
Shqipëri-Poloni 2-0
14) 09.15.1957, Pekin
Kinë-Shqipëri 3-2

15) 01.05.1958, Tiranë
Shqipëri-RDGJ 1-1

16) 11.10.1964, Tiranë
Shqipëri-Algjeri 1-1

17) 22.03.1967, Tiranë
Shqipëri-Bullgari 2-0

18) 08.11.1973, Tiranë
Shqipëri-Kinë 1-1

19) 10.10.1976, Tiranë
Shqipëri-Algjeri 3-0

20) 28.03.1985, Tiranë
Shqipëri-Turqi 0-0

21) 06.08.1988, Berat
Shqipëri-Kubë 0-0

22) 20.09.1988, Kostanca
Rumani-Shqipëri 3-0

23) 18.01.1989, Tiranë
Shqipëri-Greqi 1-1

24) 05.09.1990, Patra
Greqi-Shqipëri 1-0

25) 04.09.1991, Athinë
Greqi-Shqipëri 0-2

26) 29.01.1992, Tiranë
Shqipëri-Greqi 1-0

27) 14.05.1994, Tetovë
Maqedoni-Shqipëri 5-1

28) 16.08.1995, Valeta
Malta-Shqipëri 2-1

29) 30.11.1995, Tiranë
Shqipëri-Bosnjë 2-0

30) 24.04.1996, Zenika
Bosnjë-Shqipëri 0-0

31) 14.08.1996, Marousi
Greqi-Shqipëri 2-1

32) 21.01.1998, Antalia
Turqi-Shqipëri 1-4

33) 06.02.1998, Valeta
Maltë-Shqipëri 1-1

34) 08.02.1998, Valeta
Gjeorgji-Shqipëri 3-0

35) 10.02.1998, Valeta
Shqipëri-Letoni 2-2

36) 19.08.1998, Nikosia
Qipro-Shqipëri 3-2

37) 10.02.1999, Tiranë
Shqipëri-Maqedoni 2-0

38) 06.02.2000, Valeta
Shqipëri-Andorë 3-0

39) 08.02.2000, Valeta
Shqipëri-Azerbajxhan 1-0

40) 10.02.2000, Valeta
Shqipëri-Maltë 1-0

41) 26.04.2000, Prilep
Maqedoni-Shqipëri 1-0

42) 15.08.2000, Tiranë
Shqipëri-Qipro 0-0

43) 11.15.2000, Tiranë
Shqipëri-Maltë 3-0

44), 25.04.2001, Gaziantep
Turqi-Shqipëri 0-2

45) 05.01.2002, Manama
Maqedoni-Shqipëri 0-0

46) 07.01.2002, Manama
Shqipëri-Finlandë 1-1

47) 10.01.2002, Manama
Shqipëri-Bahrein 0-3

48) 13.02.2002, Hesperange
Luksemburg-Shqipëri 0-0

49) 13.03.2002, San Diego
Meksikë-Shqipëri 4-0


50) 27.03.2002, Tiranë
Shqipëri-Azerbajxhan 1-0

51) 17.04.2002, Andorë
Andorrë-Shqipëri 2-0

52) 12.02.2003, Norçia
Shqipëri-Vietnam 5-0

53) 30.04.2003, Sofje
Bullgari-Shqipëri 2-0

54) 20.08.2003, Prilep
Maqedoni-Shqipëri 3-1

55) 11.10.2003, Lisbonë
Portugali-Shqipëri 5-3

56) 15.11.2003, Tiranë
Shqipëri-Estoni 2-0

57) 18.02.2004, Tiranë
Shqipëri-Suedi 2-1

58) 31.03.2004, Tiranë
Shqipëri-Islandë 2-1

59) 28.04.2004, Talin
Estoni-Shqipëri 1-1

60) 18.08.2004, Nikosia
Qipro-Shqipëri 2-1

61) 29.05.2005, Szczecin
Poloni-Shqipëri 1-0

62) 17.08.2005, Tiranë
Shqipëri-Azerbajxhan 2-1

63) 01.03.2006, Tiranë
Shqipëri-Lituani 1-2

64) 22.03.2006, Tiranë
Shqipëri-Gjeorgji 0-0

65) 16.08.2006, Seravale
San Marino-Shqipëri 0-3

66) 07.02.2007, Shkodër
Shqipëri-Maqedoni 0-1

67) 25.05.2007, Burnli
Anglia B-Shqipëri 3-1

68) 22.08.2007, Tiranë
Shqipëri-Maltë 3-0

69) 27.05.2008, Reutlingen
Poloni-Shqipëri 1-0
Trajner: Ari Han

70) 20.08.2008, Tiranë
Shqipëri-Lihtenshtejn 2-0

71) 19.11.2008, Baku
Azerbajxhan-Shqipëri 1-1

72) 10.06.2009, Tiranë
Shqipëri-Gjeorgji 1-1

73) 12.08.2009, Tiranë
Shqipëri-Qipro 6-1

74) 14.11.2009, Talin
Estoni-Shqipëri 0-0

75) 03.03.2010, Tiranë
Shqipëri-Irlanda e Veriut 1-0

76) 25.05.2010, Podgoricë
Mali i Zi-Shqipëri 0-1

77) 02.06.2010, Tiranë
Shqipëri-Andorrë 1-0

78) 11.08.2010, Durrës
Shqipëria-Uzbekistan 1-0

79) 17.11.2010, Korçë
Shqipëri-Maqedoni 0-0

80) 09.02.2011, Tiranë
Shqipëri-Slloveni 1-2

81) 20.06.2011, Buenos Aires
Argjentinë-Shqipëri 4-0

82) 10.08.2011, Shkodër
Shqipëri-Mali i Zi 3-2

83) 11.11.2011, Tiranë
Shqipëri-Azerbajxhan 0-1

84) 15.11.2011, Prilep
Maqedoni-Shqipëri 0-0

85) 29.02.2012, Tbilisi
Gjeorgji-Shqipëri 2-1

86) 22.05.2012, Madrid
Katar-Shqipëri 1-2

87) 27.05.2012, Stamboll
Iran-Shqipëri 0-1

88) 15.08.2012, Tiranë
Shqipëri-Moldavi 0-0

89) 14.11.2012, Gjenevë
Kamerun-Shqipëri 0-0

90) 06.02.2013, Tiranë
Shqipëri-Gjeorgji 1-2

91) 26.03.2013, Tiranë
Shqipëri-Lituani 4-1