Fizikanti Hawking çudit njerëzit me pushtimin nga UFO-t

"Jashtëtokësorët mund të ekzistojnë, por njeriu duhet të qëndrojë larg tyre", u shpreh astrofizikanti anglez Stephen Hawking, i njohur ndryshe si Ajnshtajni i ditëve të sotme.
"Nëse jashtëtokësorët do të na vizitonin, kjo do të sillte rezultate më të rëndësishme se vizita e Kristofor Kolombit në Amerikë", tha Hawking në një program të filluar dje në kanalin Discovery.

Duke na paralajmëruar se një vizitë e tillë mund të jetë e rrezikshme, shkencëtari i njohur u shpreh me këta fjalë:

“Jashtëtokësorët evolucionistë mund të marrin nën kontroll planetin më të afërt dhe të projektojnë krijimin e kolonive aty. Nëse do ta pranojmë ekzistencën e jashtëtokësorëve”, u shpreh Hawking, “do të ishte më e rëndësishme të dihej se kujt i përngjasojnë ato.”

Për t’i dhënë një mesazh paqeje jashtëtokësorëve të paramenduar, Zyra e Hapësirës dhe Aeronautikës Ndërkombëtare në SHBA (NASA) dy vite më parë vendosi për t’u dëgjuar në hapësirë këngën e grupit Beatles “Across the Univers”. Në vitin 2439 kënga do të arrijë në zonën Polaris. 68 vjeçari Hawking njihet me studimet e tij në fushën e universit dhe forcës së rëndesës.