Goli “fantazmë” i Anglisë, gjermanët: U shpagua padrejtësia

[You must be registered and logged in to see this image.]
“Faleminderit Zot i futbollit” titullohet shkrimi në gazetën më të madhe gjermane pas fitores së Gjermanisë kundër Anglisë, me rezultat 4:1, më i larti në 16 ndeshjet e fundit midis dy skuadrave. “Pas 44 vjetësh, goli i Uemblit më në fund u barazua. Tash, anglezët e dinë se si jemi ndjerë ne gjatë kësaj kohe”, shkruan Bild.
Shumë gazeta gjermane janë përqendruar në golin e Frenk Lampardit, i cili nuk u pranua, megjithëse xhirimet treguan se topi e kishte kaluar vijën e golit.
Po të njihej, rezultati do të barazohej 2:2. Gazetat shkruajnë se kjo është hakmarrje për incidentin e ngjashëm në finalen e Botërorit 1966, kur Gjermania ishte ajo që u dëmtua në mënyrë të njëjtë.
“Na vjen keq. Tash jemi një me një”, shkroi Die Welt.
Gazeta Bild, në faqe të parë, i ka nxjerrë fotografitë e incidenteve të vitit 1966 dhe 2010.
“Kjo ishte hakmarrje për Uemblin”, shkruan e përditshmja Berliner Kurier.
“Dyzetekatër vjet pas finales në Londër, kjo është koha kur Anglia po qan për vendimin e gabuar të referit”, shkruan gazeta e Berlinit.
Megjithatë, gazeta Bild u ka ofruar degën e ullirit futbolldashësve anglezë, të cilët 44 vjet betoheshin se goli i anglezit Geoff Hurst në vitin 1966 ishte i rregullt.
“Ne padyshim pranojmë se ky ishte gol. Juve ju plaçkitën. Por ,ju lutem, a do të pranoni tash edhe ju se goli juaj në Uembli nuk ishte gol?”, shtoi Bild.

“Goli” i Anglisë me Gjermaninë, gjyqtari sheh videon: O zot çfarë kam anuluar!

Arbitri Jorge Larrionda, nga Uruguaji, i cili drejtoi dje ndeshjen Gjermani-Angli, ka mbetur i shastisur dhe ka pranuar gjithë fajin, pas ka parë imazhet filmike të golit britanik të cilin nuk ia llogariti skuadrës së drejtuar nga Fabio Kapelo.
“O Zot, çfarë goli kam anulluar”, këto kanë qenë fjalët e vetme të gjyqtarit uruguajan, pasi është ballafaquar me videot që tregojnë se topi kishte kaluar dukshëm vijën fatale.
Gjyqtari kryesor i ndeshjes, mësohet se ka fajësuar kolegun e tij anësor të krahut të majtë, i cili duhej ta kishte konstatuar në kohë golin dhe menjëherë të kishtë sinjalizuar me ngritjen e flamurit.
Ajo që ndodhi ishte se gjyqtari anësor, ishte disi përpara në drejtim të fushës, por megjithatë në momentin kur topi ndodhej brenda portës gjermanë, gjyqtari anësor besohet se ka qenë në një pozicion që mund ta konstatonte golin, aqsa edhe Kapelo, që ndodhej në pankinë në mesfushë, e pa atë gol dhe nisi te festojë po gjestet e tij u ngrinë nga mosmiratimi i golit prej gjyqtari