Higuain: Nuk më intereson titulli i golashënuesit, dua botër

Sulmuesi i Real Madridit në radhët e kombëtares së Argjentinës, Gonzalo Higuain momentalisht është lider në renditjen e golashënuesve në Botërorin e Afrikës së Jugut, me 4 gola
Mirëpo, epiteti i golashënuesit më të mirë nuk është ajo që intereson këtij sulmuesi. Preokupimi i tij i vetëm është suksesi i skuadrës, apo më saktësisht arritja deri te titulli i kampionit botëror. “Nuk mendoj për titullin e golashënuesit më të mirë. Është e vërtetë se ky çmim më bën të lumtur, por njëherësh nuk do të vlente shumë sikur nuk e arrijmë synimin tonë. E ai është vrapimi festiv përreth fushës pas ndeshjes finale”, ka thënë Higuain
Ai shpreson që skuadra e tij t’i gëzohet titullit të kampionit. “Po e jetoj ëndrrën fëmijërore. Po më realizohen ëndrrat që kisha që në ditët e para kur fillova të luaja futboll. Jam duke e përfaqësuar vendin tim në Botëror dhe kjo është një gjë e pakrahasueshme. Kurse fakti që familjen e kam këtu përkrah vetës është diçka edhe më e veçantë.
“E di se vendin tim në kombëtare e kam merituar me angazhimin dhe punën që kam bërë në klub. E kam ditur se nëse i ndjek ëndrrat e mia, do të arrijë t’i realizoj synimet të cilat ia kam vënë vetes”, ka shtuar Higuain, i cili edicionin e kaluar shënoi 27 gola në 32 ndeshje me Realin e Madridit.