“Google” mbyllë faqen në gjuhën kineze

Kërkuesi më i madh në botë i ueb faqeve “Google” siç duket do të mbyllë faqen e saj në gjuhën kineze, njoftoi “Wall Street Journal” (WSJ), duke vlerësuar se me këtë do të “hiqet një prej lojtarëve të fundit më të mëdhenj me rritjen më të madhe të internetit në botë”. Duke iu referuar një burim të njohur me gjendjen, WSJ njoftoi se “Google” do ta ndërmarrë këtë hap gjatë disa javëve të ardhshme.
Autoritetet kineze të premten kanë njoftuar se sajti i internetit “Google” në gjuhën kineze siç duket do të mbyllet, dhe nëse ndodhë kjo, portali me lajme mund të përdoret vetëm për vlerësimin zyrtar të gjendjes, dhe nuk do të publikojë lajme nga ndonjë burim tjetër, raportuan agjencitë.
Ndërkohë, “Google” dhe autoritetet kineze po negociojnë se si kërkuesi më i madh botëror mund të vazhdojë operimin në Kinë, nëse i qëndron paralajmërimit se nuk do të respektojë kërkesat kineze për censurë në faqen e saj.