Messi: Ndihem keq, kërkoj falje që s`munda ta ndihmoj Argjen

Futbollisti argjentinas, Lionel Messi i është drejtuar opinionit për herë të parë pas eliminimit të kombëtares së tij në çerekfinale të Kupës së Botës në Afrikën e Jugut nga Gjermania, me rezultat 4:0.
Një gjë të tillë ai e ka bërë në blogun e tij në internet në faqen e kompanisë kineze në internet ‘Tencent’.
“Kërkoj falje që nuk isha i aftë për ta dërguar Argjentinën deri në fund të Kupës së Botës. Jam i vetëdijshëm se nuk i kemi përmbushur parashikimet e tifozëve tanë”, ka thënë Mesi.
Ai ka shtuar në deklaratën e tij duke thënë se: “Ndjehem shumë keq dhe dëshiroj të shkoj sa më shpejt në shtëpi pranë familjes. Kundër Gjermanisë nuk luajtëm mirë që nga fillimi i ndeshjes dhe tani nuk na mbetet asgjë tjetër veçse gjithçka të nisim nga fillimi. Të gjithë tifozët i falënderoj për përkrahje”.