‘Sa e Shite Zemrën’ fiton çmimin e parë në ‘Kënga Magjike 20

Përfundoi festivali i muzikës moderne “Kënga Magjike.” Gara ishte shumë e fortë...

Për këngën më të mirë tek Kënga Magjike 2010 votat u realizuan live nga këngëtarët e pranishëm dhe pas gjithë asaj maratone fitues doli Juliana Pasha & Luiz Ejlli – Sa e Shite Zemrën.

Arditi gjatë festivalit, më saktësisht pas këngës së Gerta & Klejti Mahmutaj – Në Ditar Një Dashuri, i vë në sprovë të pranishmit në sallë duke i’u thënë që të këndojnë karaoke. Së pari filluan me këngën e Sonit – Shpirti im binjak, duke vazhduar me Kuturun e Aleksander Gjokës, Genta Ismaili – Nuk dua tjetër, dhe në fund me këngën e Florit – Playback.

Gjithashtu gjatë spektaklit u shfaq humoristi shqiptar njëherit prezantuesi i spektaklit ‘Portokalli’, Agron Llakaj, i cili kishte përgatitur një dialog dashurie me këngët e Ardit Gjebresë. Goni i kërkoi dy partner për t’i ndihmuar në dialog e ato ishin Eliza Hoxha dhe Rosela Gjylbegu. Me këtë dialog dashurie Goni arriti ti argëtoi shumë spektatorët në sallë edhe ata që i ndiqnin përmes Tv.

Ja çmimet e fituara:

“Çmimi Televiziv” shkon tek këngëtarja e cila e tundi shumë mirë skenën me këngën e Flori Mumajesit, e ajo është Ronela Hajati - Harroje.

Çmimi “Best Rock” shkon tek këngëtari kosovar Vedat Ademi – Yjet S’bien Shpesh.

Kishte këngëtar të cilët sivjet e shkelën për herë të parë skenën magjike të festivalit ‘Këngës Magjike’ – çmimi “Magjia e Parë” shkon tek këngëtarja Argjentina Ramosaj – Engjëjt Qajnë – Muzika: Flori Mumajesi.

Çmimi “Hip-Hop” shkon tek reperi Stresi me këngën Tik Tak.

Çmimi “Best Performance” shkon tek këngëtarja seksi Zajmina Vasjari – Një Me Gjashtë – Muzika: Flori Mumajesi.

Çmimin “Zëri Më i Bukur” e fiton Era Rusi me këngën Gipsy Lover – Muzika: Adi Hila.

Çmimi “Best Dance” shkon tek këngëtarja Teuta Kurti me këngën Mos Pi Mo. Kompozitor: Florent Boshnjaku.

Çmimi i sponsorit gjeneral AMC - “What’s Up” shkon tek rok grupi Burn – E Dija.

Kënga më seksi e festivalit ‘Vetëm’ e kënduar nga Vesa Luma fiton “Çmimin e Produksionit”.

“Çmimin Diskografik” e fiton seksi këngëtarja Çiljeta me baladën e saj ‘Të Dy Qajmë Të Ndarë’, e cila pati një paraqitje shumë të veçantë, mes një zemre të përgjysmuar.

“Çmimin e Internetit” e fiton reperi i cili kohëve të fundit kishte bërë ‘BOOM’, Noizy – My Lady.

Çmimi “Balada Më e Mirë” shkon tek këngëtarja Olta Boka – Mbeti Një Breng.

Çmimin “Çesk Zadeja” e fitojnë vëlla e motër, Gerta & Klejti Mahmutaj – Në Ditar Një Dashuri, të cilët edhe morën shumë duartrokitje nga të pranishmit në sallë.

Çmimin “Best Stil” e fiton Ardian Gaxha – Edhe Një Herë.

“Çmimi Tendencë” shkon tek Budallaçkë e Vogël – Rezarta Shkurta.

Çmimin “Kantautori Më i Mirë” e fiton Pirro Çako – Mirëmbrëma Si Je?

“Çmimin e Kritikës” e marrin Juliana Pasha & Luiz Ejlli – Sa e Shite Zemrën.

“Çmimin e Publikut” e fituan Rozana Radi & Ramadan Krasniqi – Valsi i Tradhëtisë.

“Çmimi i Interpretimit” shkon tek Greta Koçi – Koha S’ndal.

Çmimi “Kënga Hit” shkon tek këngëtarja Eranda Libohova – Rroftë Dashuria.

Gjatë një sondazhi të cilin e kemi realizuar ne në faqen tonë në Facebook – Webmagazina.com – Kush mendoni që do të fitoj në festivalin e muzikës moderne “Kënga Magjike”, fansat i kanë përmendur disa emra, e ata janë: Gerta & Klejti Mahmutaj, Juliana Pasha & Luiz Ejlli, Noizy, Teuta Kurti, Greta Koçi, etj